كل سنة وانتى طيبة

فى عيد ميلادك

احب اقولك

كل عام وانتى بخير

كل عام وانتى لوحدك

وانتى عنى بعيدة جدا

عدت سنة

من اخر عيد كنا سوا

عيد ميلادى وعيد ميلادك

كنا دايما فيهم سوا

دلوقتى بعييييييييييييييييييييد عن بعضنا

كل عام وانتى بهنا

عيد سعيد

عيد أضحى سعيد على كل العرب والمسلمين

كل سنة وكلكم طيبين

ويارب دايما مبسوطين

ومع اهلكم معيدين

وللهدوم الجديدة لابسين

وطبعا للحمة واكلين

بس اوعوا تكونوا مكترين

عشان مش تبقوا تعبانين

ويارب دايما تكونوا كويسين

absence

غبت كتير

بس كنت مشغولة

باعمل حاجة جديدة

ادعولى ربنا يوفقنى

وهغيب شوية تانى

محدش ينسانى

عيد ميلادى انهادرة

كل سنة وانا طيبة

عيد ميلادى ال

23

حبوبى معايا فى اول عيد

يارب دايما عيد سعيد

وطبعا بما انى فرحانة

لازم اعزمكم على حاجات حلوة

جبت لكم شوية تورتات على حلويات على شوكلاتات

ومعاهم عصير وقهوة

بالهنا والشفا

بس لازم تغنوا لى الاول

حلم عمرى

حلمت دوما بعالم يسوده الحب والسلام

ظننته عالم من صنع الأوهام

عشت به سنينا فى الأحلام

لكنى وجدتك

وجدت فارسى الهمام

وجدت من سأكون معه اميرة الأحلام

درس في الحياة عمرك ما هتتعلمهم في المدرسة11

بيل جيتس الأسطورة كان في زيارة لمدرسة ثانوي واحب انه يعلم طلبة المدرسة 11 قاعدة مهمة من قواعد الحياة عمرهم ما هيلاقوها في الكتب ولا هيتعلموها في المدرسة.

القاعدة الاولى

ان الحياة مش دايما بتكون عادلة ولازم نتعود على كده.

القاعدة الثانية

لن يهتم العالم لأمرك ولن يتقبل انجازك لأي شئ ان لم تكن تشعر بالقبول والتقدير لذاتك أولا.

القاعدة الثالثة

لن تتقاضى اجر يساوي 60الف دولار في السنة بمجرد انتهاءك من الدراسة ولن تكون نائب للرئيس وتملك سيارة بتليفون

حتى تجتهد وتتعب كثيرا فسوف تحتاج لسنوات عديدة لتصل لذلك.

القاعدة الرابعة

لو كنت تعتقد ان مدرسك صعب التعامل معه انتظر حتى ترى رئيسك في العمل.

القاعدة الخامسة

العمل بالوظائف الدنيا مثل بيع البرجر مش بيقلل من كرامتك ، اجدادك كانوا بيسموها فرصة.

القاعدة السادسة

لو غلطت مرة وانت صغير ، اعرف ان دي مش غلطة اهلك ، متعلقش اخطائك على شماعة غيرك واتعلم منها.

القاعدة السابعة

قبل ما تتولد أبوك وامك مكانوش مملين زي دلوقتي، هما بقوا مملين لانهم مضطرين يدفعوا فواتيرك وينضفوا لبسك ويسمعوا مدحك لنفسك فقبل ما تحاول تحمي العالم من شرور الاجيال السابقة جرب تنضف أوضتك الاول.

القاعدة الثامنة

في المدرسة مفيش كسبان وخسران لكن في الحياة فيه طبعا، في المدرسة بيدوك فرص كتيرة عشان تنجح وتجاوب الاجابة الصح لكن ده لا يمت بصلة باختبارات الحياة الحقيقية.

القاعدة التاسعة

الحياة مش مقسومة فصول دراسية وبعد التخرج عمرك ما هتاخد اجازة صيف،ومحدش من رؤسائك هيكون مهتم انك تلاقي نفسك وتحدد هدفك، لازم تعمل ده بنفسك في وقتك الخاص بعيدا عن وقت الشغل.

القاعدة العاشرة

التليفزيون مش شبه الحياة ، في الحياة الحقيقية الناس لازم يسيبوا الكوفي شوب ويروحوا الشغل.

القاعدة الحادية عشر

خليك لطيف مع الاولاد الشاطرين في فصلك ، لان ممكن جدا ينتهي بيك الأمر بتشتغل عند واحد منهم

بيل جيتس حاول ينقل خبرته في القواعد دي، انت كمان انقل لنا خبرتك من الحياة في قاعدة .. تساعدنا وتساعدك .. وتخلينا نتعلم من بعض

انا غنية اوى اوى

يوم الخميس 24-9-2009

كانت خطوبتى

الحمد لله كانت جميلة جدا

حسيت اد ايه اصحابى بيحبونى واهلى

والاهم انى عرفت ان ربنا بيحبنى لان كل حاجة الحمد لله كانت كويسة اوى

يومها كان كل اصحابى معايا وكانوا اكتر من اخواتى

شيماء جت لى الصبح ظبطنا الشقة والزينة وظبطنا الفستان والحاجة اللى هناخدها واحنا رايحين الكوافير

وبعدها هبة وشيماء راحوا معايا للكوافير وجت لنا نهى ودعاء

خلصنا وبعدها جه مصطفى واخويا واخوة ووالده

وحنا البيت

لقيتهم كلهم مستنيننى

الحمد لله قالولى انى امورة وفستانى حلو

واليوم بجد كان جميل وحصل شوية مواقف توقع من الضحك

يارب تفضل دايما الايام حلوة

وافضل دايما غنية بالناس اللى حواليا وحبهم ليا

آن الأوان

آن الأوان تفرح يا قلبى

تفرح بحب حبيب جميل

حبيب مفيش زيه مثيل

حبيب يكون لجراحك دوا

وتكون حياتكم هنا (هناء) سوا

ولما تزعل تلاقى قلبه

بيقول لقلبك فداك انا

ولما تفرح يكون معاك

ينشد غنا

يفرش زهور الحب هنا وهناك

آن الاوان تخلع يا قلبى

توب الجرح والاحزان

فى توب جديد

مغزول حرير

بيفوح بعطر فل وياسمين

يلا البسه

ورينى صورتك

بلاش تضيع احلى سنين

السلام عليكم ورحمه الله وبركاته

وحشتووووووووووووووووونى كتير اوى

معلش غبت شوية

بس كان فى احتلال للكمبو من اخويا واختى

وانا ياعينى غلبانة مش كنت باعرف اقعد عليه خالث

رمضان عدا بسرعة اوى

محسناش بالايام اللى عدت انهاردة 18 رمضان

يعنى اللى جاى اقل من اللى عدا

ربنا يتقبل مننا يارب

ويقدرنا اننا نزيد من الاعمال الصالحة

ويثبتنا على كل حاجة كويسة عملناها ونفضل نعملها طول عمرنا

يارب يكون كل الناس بخير وسعادة

ويكونوا دايما باحسن حال

رمضان كريم

رمضان كريم

وكل سنة وانتم طيبين

اقدم اعتذارى الشديد عن الغياب الفترة اللى فاتت عارفة انها طولت بس والله غصب عنى

انشغلت اولا لان والدى كان تعبان

وكمان والدة صاحبتى اتوفت فكانت حالتنا النفسية سئية خصوصا اننا كنا نعرفها عن قرب

ربنا يرحمها

بس انا الحمد لله كويسة جدا وكله تمام

وصاحبتى بقت احسن دلوقتى وبابا الحمد لله احسن

معلش باعتزر تانى

وكل سنة وكلكم طيبين

وشكر خاص جدا لحسام بجد ربنا يخليك ليا

ومبروك لاختك على المنحة تروح وترجع بالسلامة

ربنا يحميها

يا حلولى يا حلولى

أعزائى زوار مدونات الكرام

بعد التحية والسلام

عندى ليكم شوية اخبار تمام

اولا باعتزر عن التأخير الطويل

لكن عندى خبر جميل

مش خبر واحد دى حبة اخبار

او اسميها احسن افراح

الخبر الاول

كان كتب كتاب اخت صاحبتى او اختى الصغيرة

وفرحها ان شاء الله اخر الشهر

الخبر التانى

كتب كتاب صاحبتى

الخبر الثالث

هو .

.

.

.

.

.

.

.

.

.

.

.

.

.

.

.

.

.

.

.

.

هو

انهادرة

كانت قراءة فاتحتى على حبيبى

والخطوبة ان شاء الله قريب

ربنا يتمم لنا على خير

ويفرح كل الناس يارب

ياااااااااااااااااااااااااااااااااااااااااااااارب

الحمد لله

الحمد لله

يارب كملها على خير

يارب

يارب

السعادة

حاول دائما ان تكون سببا فى اسعاد من حولك

واعلم ان هذا سيعود عليك بالسعادة وراحة البال

http://www.youtube.com/watch?v=6s4a1Vl5uUU&eurl=http%3A%2F%2Fwww%2Efacebook%2Ecom%2Fposted%2Ephp%3Fid%3D1199798015%26share%5Fid%3D113444974240%26post%5Fid%3D113444974240%26fragment%3Dshare%5Ffooter113444974240%26co&feature=player_embedded

كنت عارفة

كنت عارفة انك هترجع

كنت عارفة انك عشانى

كنت دايما باقول لروحى

انك راجع ليا تانى

مبقولش انت رحت فين

مبقولش ليه ودعتنى

باقول دة قلبك قاللى يوم

انك اكيد بتحبنى

كنت عارفة

Tell Me Why

Special Thanks to kyara

In my dreams children sing

A song of love for every boy and girl

The sky is blue the fields are green

And laughter is the language of the world

Then awake endour I see is a world full of people in need
Tell me why,

does it have to be like this

Tell me why, is there something I have missed

Tell me why, I don’t understand

When somebody needs somebody

We don’t give a helping hand
Tell me why

Every day I ask myself what I have to do to be a man

Do I have to stand and fight

To prove to everybody who I am

Is that what my life is for

To waste in a world full of war

Tell me why, does it have to be like this

Tell me why, is there something

I have missed

Tell me why, I don’t understand

When somebody needs somebody

We don’t give a helping hand

Tell me why

Tell me why

Tell me whyJust tell me why
Just tell me why

Why why, do the tiders run

Why why, do we shoot the gun

Why why, do we never learn

Can someone tell us why we cannot just be freinds

Why Why

وردة نزيف القلوب

ورده ناره جدا فى شكلها الذى يشبه القلب
اسمها
نزيف القلوب

وهى اسم على مسمى

اسيبكم مع الصور

سبحان الله

وداعا حبيبتى

ارتحتى عشان بعدتى

عن هوايا وعن جنونى

عن ظروفى وعن ظنونى

يارب تكونى ارتحتى

يارب ما تحسى بجرحى

رغم ان انتى اللى بعتى

لكن هواكى لسة باقى

لسه باقى جوة منى

حبى ليكى

خوفى عليكى

حلمى انى اكون معاكى

عمرى كله يبقى ليكى

ياريتنى اقدر انسى

حنانك

لون عنيكى

جمالك

رقتك

لمسة ايديكى

ولا كل من قال انا اخوك

ولا كل من قال انا اخوك بيبقى اخوك

فى ناس كلامهم غنا

تأمن لهم

يسلخوك

http://rapidshare.com/files/240306462/__1608___1604___1575____1603___1604____1605___1606____1602___1575___1604____1575___1606___1575____15.html

كوليكشن جامد اوى

فساتين فرح

wayoflife

أول بوست

http://wayoflife-ourlife.blogspot.com/

مدونتى الجديدة

http://wayoflife-ourlife.blogspot.com/

مدونتى التانية

اتمنى تعجبكم الفكرة وتتفاعلوا معاها

باع هوايا

زى ما بعته قام باعنى

خلاص فارق وودعنى

خلاص الذكريات اهى هانت

خلاص من ايده ضيعنى

عارف لو قلت يوم ارجع

كلامك ليا دة هيوجع

وحتى ان كلامك حلو

قول بقى للزمان يرجع

مفيش بإيديا شئ تانى

عشان من جوة دة أنانى

ووقت ما يبقى جواك شوق

عيونك تبكى علشانى

فرق

فرق كبير بين قمة التفاؤل وقمة الاحباط

بس الفرق مش كبير

اد ايه باحبك

احلى كلمة حب يا حبيبى قلتها لى

واول دقة قلب معاك عيشتها لى

اه لو تعرف اد ايه عندى غالى

واد ايه يا حبيبى حياتى غيرتهالى

خلتنى احب سنينى

خليت العمر غالى

وياك بيزيد حنينى

وباحب اسهر ليالى

اسهر ويا عيونك

يا حبيبى يا عمر غالى

لما تلاقى القلب يدق لما يشوفك

واما تلاقى الدنيا تحلى لحظة وجودك

يبقى اكيد بتحب

واللى جوا القلب

هو حبى ليك

وباحب حياتى بجد

لما اشوف عنيك

خلتنى احب سنينى

خليت العمر غالى

وياك بيزيد حنينى

وباحب اسهر ليالى

كل سنة وانتى طيبة

كل سنة وانتى طيبة

كل سنة وانتى معايا

كل سنة وانتى مستحملانى بعيوبى ومميزاتى

كل سنة وانتى جميلة

ويارب الناس تفضل تحبك وتزورك لانك حتة منى

بتعبرى عنى

يارب عمرى ما اسيبك

لانى ماعتقدش هاقدر استغنى عنك

بعد يومين مدونتى هيبقى عندها سنتين

هابى بيرث داى تو هير

عشان كدة هاغينلها الاغنية اللى هاغنيها لبنتى

حبيبتى بكرة تكبر وتروح المدرسة قصدى وتبقى كويسة

ما علينا

كل سنة وانا طيبة ومدونتى حبيبتى طيبة

معلش معرفتش اجيب جاتوة وتورتات لان فى حاجة غلط فى الاوبشنز

انما اللى هيجى هاجيبله

المسئولية 2

اغلب التعليقات على البوست اللى فات كان رأيهم ان المسئولية متوزعة بين الطرفين

وبتكون بالاتفاق بينهم

لكن المهم يكون كل طرف متربى على تحمل المسئولية

اللى شايفاه فى بعض الناس سواء انا واسرتى او اصدقائى

فى ناس كتير ومش هاقول بنات بس او ولاد بس مش متحملين لاى مسئولية

مثلا

حد من الناس

لو عايز يشرب لازم ينده حد من البيت وغالبا ااخته الصغيرة

او لو عايز يحط فيشة اللاب توب ينده حد يعملها

واحدة من الناس

عمرها ما حطت ايدها فى المطبخ

كبيرها تعمل شاى

وغيرهم كتير

بجد دول بيصعبوا عليا

صعب تلاقى حد يستحمل اللامبالاة اللى هما فيها وعدم تحملهم لمسئولية

عن نفسى استحالة ارتبط بحد من النوع دة

بس فى سؤال دلوقتى

ازاى حد يكون معتمد على غيره دايما يتغير ويبقى معتمد على نفسه؟؟؟؟؟؟؟؟؟؟

كمان فى حاجة

الردود اللى قالت ان البنت او المرأة دورها جوة البيت

والرجل برة البيت

هل دة معناه انه البنت جوة بيتها تبقى عاملةزى الفلبينية وهو يفضل (سورى مأنتخ)

ومش يعمل اى حاجة

ولا فى حدود ؟؟؟؟؟؟؟؟؟

من الاقدر على تحمل المسئولية؟؟؟؟؟؟؟؟؟؟

من الاقدر على تحمل المسئولية

البنت ام الولد

الرجل ام السيدة

الشاب ام الفتاة

ناس هتقول بانفعال ان الولد اكيد بيتحمل المسئولية ودة الراجل والحوارات دى

لكن شوف فى حياتك ايه اللى بيحصل فعلا

ردك يكون بحيادية شديدة

وبعدل

وواقعية

ويارب ماتضربش بعد البوست دة

انها سليمة

فاكرين الجملة دى

كانت فى فيلم زمان اوى

عن فجر الاسلام

مش فاكرة اسم الفيلم

لكن هى كانت لما واحد من المسلمين يكسر الاصنام بعدين قال شلت يداى ففرح الكفار بعدين قالهم انها سليمة انها سليمة

ايه الرغى دة

ندخل فى الموضوع

انها سليمة

مشاعيرى واحاسيسى لسة سليمة

كنت فاكرة ان خلاص زمن الحب والخوف على الناس خلص

افتكرت انى مبقاش يفرق عندى انى اخسر حد من اصدقائى

الصدمات اللى فاتت افتكرت انها قوتنى لدرجة بقيت حجر

لكن انها سليمة

من يومين صديقتى زعلت منى

تصوروا عيطت وقفلت اليوم وحش اوى

لدرجة انى زعلت اقرب الناس ليا بسبب اسلوبى

بس انا مبسوطة

مش عشان زعلتهم

لالالالالالالالالالالالالا

انا مبسوطة عشان لسة عندى احساس ودم والحاجات دى

نهر الحب

يا من أحبتت قلبا خائنا أو مخادعا أو لاهيا
لا تحزن
فهو الأحق منك بهذا الحزن
يا من أعطيت الحب والمشاعر وخفت وحنوت
لا تحزن فقد علمت ان بمقدورك ان تحب
ولا تيأس
فهذا النهر الجميل من المشاعر والاحاسيس لن ينضب
ولكنه حتما سيجد أرضا يرويها ويتمتع بمشاهدتها وهى تنمو وتكبر
أما من أحببت
فقد عرفت أنه لا يملك نهرا ولا حتى بئرا
فهو صحراء جرداء لا زرع فيها ولا نماء
وبفقدانك فقد الماء الذى كان سيرويه
وسيحزن ويندم أشد الندم على ما ضيعه من يديه
ويندم على ما أقترفه فى حقك
وانت انعم بما لديك من خيروحاول ان تنميه وتزيده
حتى تجد القلب الذى يحتاج ماؤك ليرتوى من حبك

مواقف

*‏ أن تكون تعيسا‏:‏ سهل‏..‏ أن تكون سعيدا‏:‏ صعب‏..‏ ولكن يجب أن تحاول‏‏
*‏ الحب هو الحالة التي تعطي بعض لحظات الحياة طعم الأبدية‏
*‏ لو تكلم الناس فيما يعرفونه فقط‏,‏ لأصبح للكرة الأرضية صمت القبور‏
*‏ المشكلات اليومية ليس سببها ما نقول‏,‏ وإنما الطريقة التي نقول بها‏‏
*‏ الكلمات هي أعظم ما اخترع الإنسان من داء ودواء‏
*‏ الصحفي يجعلنا نقرأ التاريخ‏,‏ والأديب يجعلنا نعيشه
‏

متقولش راجع

متقولش اسف

متقولش عاايز اشوفك تانى

حبك خلاص جوايا مات

معادش باقى

كل اللى فات

كل الجراح اللى بايديك

خلتنى اقوى

خلتنى ابعد عن هواك

خلتنى ابقى

مش عايزة اكون تانى معاك

متقولش اسف

متقولش راجع

حبك خلاص جوايا مات

خلاص خليك بعيد عنى

مترجعليش

مانا اصلى بعدك

قدرت اعيش

ومتقوليش تانى باحبك

متخدعنيش

انا عارفة من الاول

متنفعنيش

متقولش راجع

حبك خلاص جوايا مات

رسالة الى حبيبى

الرسالة دى بعتتها قبل كدة لكن محدش رد عليها

المرة دى هابعتها فى عيد الحب يمكن يجينى الرد

واغنى زى عبد الحليم وجانى ارد جانى ولقيته بيستنانى

حبيبى
يا أحب انسان الى قلبى
يا من تغنيت بأسمه دون باقى الأغنيات
يا من جمعت شتات قلبى بعد الأوجاع والأهات
يا واحتى وسلواى
يا دنيتى ومنجاى
حبيبى
يا من عرفت الحب بوجوده
وملكت الدنيا بوعوده
يا من أشرقت الدنيا ببسمتك
وضحكت الحياة مع ضحتك
حبيبى
ان لم أكن أحبك فمن أحب
ان لم أعشقك فمن أعشق
ليس بالوجود من هو مثلك
من يحب ويخاف ويحنو ويعطف
من لى غيرك يا حبيبى

unstable

لا اعرف ماذا حدث

ما الذى ادى بنا الى هذا الوضع

هل ماكان مجرد وقت قضيناه

هل كانت الصداقة التى طالما فخرنا بها مجرد معرفة

لطالما قلنا اننا لن نفترق ابدا مهما حدث وان حدث خلاف بيننا نقول اننا ربما حسدنا من الناس

ونعود بعضها اقوى مما كنا

اختلفنا

تخاصمنا

مرات عديدة

لكن دائما نعود

نعود اقوى

نعود محملين بشوق وامتنان وحب

نعود مصرين على الا نفترق مجددا

وان نحافظ على ما بيننا

فهو اجمل شئ وجدناه

هو الحب الخالص البرئ

لا اجد من الكلمات ما يسعنى لكى اصف ما كان بيننا

لعلنى استطيع وصفها

لكنى ايضا لا استطيع

فهى روحى

هى حياتى

هى اغلى انسانة واجمل انسانة وجدتها

هى عمرى

اين راح الحب

المشاعر

الصداقة

ما يحزننى هو هروبها

طوال شهر احاول الاتصال بها

لكنها دائما غير متواجدة

وعندما ردت وليتها لم ترد

بكل برود اخبرتنى انها لا تريد ان تحادثنى

لم اعرف ماذا اقول

هل انفجر فيها

اذكرها بكم مرة تحملتها وتغاضيت عن اى شئ يعكر صفو صداقتنا

هل اذكرها بكلامها انى من يفهمها ولا يغضبها

ام هل اصمت واانهى المكالمة حفاظا على كرامتى

حفاظا على الذكريات التى لا اريد تلويثها باى مشاحنة او كلام جارح

وكالعادة اثرت السلامة واثرت الصمت

وبهدوء شديد انتهى ما بيننا

انتهت اكثر من ثمانى سنوات من الحب الخالص

ثمانى سنوات من العشرة

و احنا بعيد

خبر عاجل :
انا شفت دكتور نبيل فاروق
وسلمت عليه وكلمته
اعتقد دى من اجمل الحاجات اللى حصلت فى حياتى

من يوم بعادك باسال عليك

عامل ايه فى البعد عنى

بتقوللى هاقدر انسى

دة مهما طال على البعد قلبى لسة

بيحلو انه شايفك

بيقوللى انه سامعك

بيحلف ان قلبك على الوعد لسة باقى

على وعد خدناه زمان

ايام ما كان

الحب بيننا له مكان

بتقوللى هاقدر انسى

كل يوم كنا سوا

كل يوم خدنا الهوا

كل لحظة فى حبنا

لو انت قادر تنسى

انا عمر ماانسى

مستحيل

كداب يا قلبى لما قلت انك نسيت

دة بعده عنك مستحيل تتحمله

قلت اما تبعد الطريق هتكمله

والبعد ارحم من عذابك بين ايديه

اتاريك بتحلم حلم كان صورة فى عنيك

والحلم حلو بس لو هنحققه

اهو جه اليوم اللى حنيت فيه

واتمنى قلبك بس لحظة تشوف عنيه

او تسمعه

او تلمحه من بعيد بيدارى جرحه

بيدارى قلبه اللى اتكسر

من يوم ما قلبك ودعه

كان ليه يا قلبى تجرحه

وجرحت قلبك............

على ايه هتبكى

معادتش حاجة ترجعه

ج ا ت

عكس التاج

التاج حد بيسأل وانا باجاوب

الجات بقى ودة احدث صيحة

انا هاسالكم عنى وانتوا هتجاوبوا

السؤال هو

اذكر اربع حاجات عرفتها عنى من خلال مدونتى ؟؟

اول تاج

اولا باشكر برينسس على التاج

وباعتذر للناس اللى بعتوا تاج قبل كدة ومش جاوبته

ادينى اهو هاجاوب

واللى عايز يسأل على اى حاجة تانية يسأل

بسم الله الرحمن الرحيم

إذكر ستة أسرار لا يكتشفها من يقابلك لأول مرة؟

اجتماعية

رومانسية

دمى خفيف

دماغى ناشفة شوية

باعمل بس الحاجة اللى باحبها

حنينة اوى

سبع حاجات نفسك تعملهم؟

نفسى اعيش فى اسكندرية

نفسى اعمل احج او على الاقل اعمل عمرة

نفسى يبقى عندى بنوتة

نفسى يبقى عندى عربية

نفسى اسافر ايطاليا واسبانيا واليونان فسحة يعنى

نفسى ارتبط باحسن حد فى الدنيا (خيالى واسع

نفسى اعيش فى مكان فيه خضرة كتير وياااااااااة بقى لو خيل كمان ر

سبع حاجات معرفتش تعملهم؟؟

معرفتش ادخل كلية السن

معرفتش اجيب تقدير كويس فى هندسة يادوب جبت مقبول

مباعرفش اخد حقى

معرفتش اكون صديقة لمامتى

مباعرفش اعوم

مباعرفش اركب عجل

مباعرفش اعمل ملوخية

ممكن كمان واحدة

مباعرفش ازعق

سبع حاجات دايماً بتقولهم؟؟

اها

قشطة

شغااااااااااال

تمام

طويب

عااااااااااا

اوكش

سبع مشكلات في حياتك ممكن تحلهم بالفلوس؟؟؟

اجيب عربية

اجيب شقة واعيش لوحدى

اجيب لابتوب عشان اختى مش تتخانق معايا على الكمبيوتر

اشترى فيلا بجنينة واسعة

افتح مكتب استشارى اشتغل فيه انا واصحابى

اعمل مشروع خيرى

اخرج بقى واتفسح واسافر اى حتة

سبع أماكن بتحبها؟؟

اسكندرية

اى جنينة

نادى المشاة والدفاع

سيتى ستارز

اوضتى

بيت جدو الله يرحمه

شقتنا القديمة

أشخاص بتحبهم غير بابا وماما وإخواتي؟؟

اصحابى

اعز الناس المدونين

كل حد عرفته واتكلمت معاه لفترة اكتر من شهرين يبقى اكيد باحبه

مدونين بتحب تقرالهم؟؟

كل حد من اعز الناس

تمرر الواجب لمين؟؟

كل اللى مش جاوبه يجاوبه

لحد هنا خلص الاولانى

التانى بعدين بقى اصلى لسة راجعة من الكورس ومش اتغديت

هل تعلم ما هو اكثر شئ مدهش في البشر ؟

يقول أحد الأشخاص :

توجهت إلى حكيم لأسأله عن شىء يحيرني ..؟

فسمعته ً يقول : "عن ماذا تريد أن تسأل؟

"قلت :"ما هو أكثر شيء مدهش في البشر؟

"فأجابني :"البشر! يملّون من الطفولة ، يسارعون ليكبروا ، ثم يتوقون ليعودوا أطفالاً ثانيةً"

" يضيّعون صحتهم ليجمعوا المال ،ثم يصرفون المال ليستعيدوا الصحة"

" يفكرون بالمستقبل بقلق ، وينسَون الحاضر، فلا يعيشون الحاضر ولا المستقبل"

" يعيشون كما لو أنهم لن يموتوا أبداً ، و يموتون كما لو أنهم لم يعيشوا أبداً"

مرّت لحظات صمت

....ثم سألت : "ما هي دروس الحياة التي على البشر أن يتعلّموها...؟

فأجابني:"ليتعلّموا أنهم لا يستطيعون جَعل أحدٍٍ يحبهم،كل ما يستطيعون فعله هو جَعل أنفسهم محبوبين"

"ليتعلموا ألاّ يقارنوا أنفسهم مع الآخرين "

"ليتعلموا التسامح ويجرّبوا الغفران "

" ليتعلموا أنهم قد يسبّبون جروحاً عميقةً لمن يحبون في بضع دقائق فقط، لكن قد يحتاجون لمداواتهم سنوات ٍطويلة "

" ليتعلموا أن الإنسان الأغنى ليس من يملك الأكثر، بل هو من يحتاج الأقل"

" ليتعلموا أن هناك أشخاص يحبونهم جداً ولكنهم لم يتعلموا كيف يظهروا أو يعبروا عن شعورهم"

" ليتعلموا أن شخصين يمكن أن ينظرا إلى نفس الشيء و يَرَيَانِه بشكلٍ مختلف"

"ليتعلموا أنه لا يكفي أن يسامح أحدهم الآخر، لكن عليهم أن يسامحوا أنفسهم أيضاً

الحمد لله

كان نفسى البوست دة يكون بمبى وفرايحى

لكن ما باليد حيلة

هو انا تقريبا كنت هاموت انهاردة

طبعا لعدم وجود ميكروباصات او قلتها فى المكان اللى باخد فيه الكورس

فبارجع باتوبيس

انهاردة اليوم كان ماشى عادى وركبت منىباص

لكن عند اول مكرم تقريبا كان واحد نازل

ووقع وهو نازل

ليه لان السواق مشى قبل ما الولد يستقر على الارض

الناس زعقت للسواق وهو مكانش حاسس انه غلط

جاب الغلط كله على الولد

المهم مش السواق بعد كدة يخلى باله ويهدى لما حد يجى ينزل

لا

وانا نازلة عن المحطة بتاعتى

برضه السواق مشى قبل ما انزل

ورحت وقعت على الارض

الساعة طبعا اتحطمت

لكن فدايا

المشكلة ان ايدى بتوجعنى اوى

وفى صباع ورم

اصلا عيطت جامد

بس مكنتش عارفة ايه اللى حصل لانى اتخضيت اوى

مش عارفة هى الدنيا طارت

ولا فى حد بيجرى ورا السواق

ليه عمل كدة

واكيد هيعمل كدة تانى

ليه ميفكرش ان اللى نازلين دول بنى ادمين والمفروض يعاملهم بأدمية بغض النظر عن ظروفه

مستعجل ولا متضايق

ربنا يستر على الناس ويهدى السواقين

ومنه لله السواق اللى كنت راكبة معاه

تانى تانى راجعين للمزاكرة تانى

ازيكم كلكم

وحشتونى الكام يوم اللى فاتوا

رجعت ازاكر تانى

هو مش مزاكرة اوى زى ايام الكلية

لكن انا باخد كورس تكنولوجيا صناعية

فى مكان بعيييييييييييييييد اوى عنى

الكورس حلو اوى

والمهندس طيب خالص

المشكلة بس فى المسافة

الكورس فى النهضه وانا فى مدينة نصر يعنى بهدلة اخر حاجة

وباركب اتوبيس وانا راجعة

وباقف فيه

ودى حاجة انا مش متعودة عليها لكن اهو تغيير

القعدة فى البيت ممله

وفى ظل ظروف البورصه وحالة التجميد فى اغلب الشركات

ماعتقدش هاقدر اشتغل قريب

زعلانة بس عشان مش باعرف اكلم اصحابى

دايما عايزة انام ومهيسة لانى طبعا باصحى بدرى اوى بعد ما كنت بانام لحد الظهر

المهم انى مبسوطة انى باتعلم حاجة جديدة وباشوف ناس جديدة

وربنا يسهل واكمل على خير

الكورس مدته ثلاثة شهور

يعنى قاتل لاى ملل

دموع حبيبى

خسارة فيا يا حبيبى دمعة واحدة من عنيك

دة انت دمعك عندى غالى

وانت اغلى الناس عليا

يا حبيبى لو عليا

كنت اقضى عمرى جنبك

عمرى ما ابعد ثانية عنك

بس غصب عنى

خايف عليك