آن الأوان تفرح يا قلبى
تفرح بحب حبيب جميل
حبيب مفيش زيه مثيل
حبيب يكون لجراحك دوا
وتكون حياتكم هنا (هناء) سوا
ولما تزعل تلاقى قلبه
بيقول لقلبك فداك انا
ولما تفرح يكون معاك
ينشد غنا
يفرش زهور الحب هنا وهناك
آن الاوان تخلع يا قلبى
توب الجرح والاحزان
فى توب جديد
مغزول حرير
بيفوح بعطر فل وياسمين
يلا البسه
ورينى صورتك
بلاش تضيع احلى سنين
10 comments:
السلام عليكم
كل سنة وانت طيبة ياقمر
سعيدة بزيارتى للمدونة
وهكون اسعد لما تنورينى
تحياتى لكى
بجد البوست جميل واحساسك حلو
ربنا يسعدك ياجميلة
(:
واتأخرت في مباركتي لقراءة فاتحتك ...
يارب يتمملك على خير
وكل سنة وانت طيبة
(:
مدونتك جميلة
بوست رائع
استمري
السلام عليكم
*************
ايه العسل داه
بجد كلام عسل خالص
** تقبلي مروري ***
كل سنه وانتى طيبه ياقمر
عيشى حياتك يابنتى
العمر قصير قوى
والحب جميل قوى
كل سنة وإنتى طيبة
عيد سعيد
يارب يزيد فرحتك
كلماتك جميله اوى وبالذات آخر تلات اسطر :)
عجبونى جدا
ربنا يسعدك كمان وكمان
لكى منى كل التحية
شاب فقرى
الحب حلو وجميل ولذيذ كمان
احساس يارب كل الناس تعيشه
ويدومه عليكى
وربنا يسعدك ويكمل فرحتك
وتعيشى دايما فى حب وخير وسعاده وفرح
السلام عليكم
كل سنه وانتى طيبه ياحبيبتى
عيد سعيد عليكى وعلى كل حبايبك يارب
ربنا يفرح قلبك
ويسعد ايامك
ويهنيكى بكل الحب
كل سنه وانتى طيبه
الفرحة حلوة
يارب تدوم
كل سنة وانت طيبة
Post a Comment