عارف ولا مش عارف

عارف لما تعرف وتكره انك عارف

لأنك لما عرفت اتمنيت متكونش عارف

لازم أعيش

شكر خاص جدا جدا لأدم المصرى

الصبر طال

والقلب صار

مليان هموم زى الجبال

مليان ألم يهزم رجال

لكن المحال

يجينى يوم

وأقول خلاص

مش هأعيش

واقول تعبت

من الحياة

وأقول زهقت

أنا أصلى حالف

أعيش هنا

وأكون أنا

أكون شجاع

مهما حصل

أفرد دراع

انصر الحق الضعيف

ارفع شراع

هأعلنها فى كل المشاع

حالف أكون انسان قوى

حالف أكون انسان شجاع

عارف

عارف الحب بيعمل ايه؟؟؟؟؟
بيملى الدنيا فرح وسرور
لو يوم تايه او حيران
تلقاه فى عز العتمة النور
لو زعلان..... تلقى حبيبك جاى يطبطب
لو فرحان .....تلقاة اول حد يزغرط
لو حبيته بجد تلاقى
كل الناس جنبك فرحانة
حب بجد وميهمكش
واوعى الخوف يوم يدخل قلبك
انسى الدنيا وعيش ايامك
عيشها بفرحك ويا غرامك
وادعى ربك من جوه قلبك
عمر ما حاجة تفرق بينكم
ويزيد حبه فى قلبك حبة
لحد ما تملوا العمر محبة

كذبت أحزانى

لقد كذبت أحزانى يا قلب

وعدت سعيدة للدرب

الأن سأعيش على الحب

ولن أحيا الا للحب

دعنا لا نجعل الحب ضميرمستتر

دعنا نجعله مرفوعا عن الشبهات

مجرورا بالسعادة والامال

يصبح صفة لنا وحال لعمرنا

اجعله مبتدأ حياتنا

وخبر ننشره بين أهلنا

وإجعله مفعولا به نجتاز به كل العقبات

وفاعلا يبدد أحزان العمر

وحرف عطف لا قسوه

وتمييزا لنا عن كل المخلوقات

ومفعولا لأجله نضحى بكل شىء لكى يعيش

ومضاف إليه الإحترام والثقه

وبعد ذلك لا تخشى عليه من الإعراب

واجعلة مكسورا اذا انحدر الى الشوائب

واجعلة مرفوعا اذا وصل الى القمة

واجعلة مشدودا اذا ارخت سلاسلة

واجعلة مضموما فى بحر الحنين

اول جزء انا اللى كتبته

الثانى استاذ فؤاد

الثالث استاذ رؤوف

محصلش نصيب

خلاص احساسى مات

والحب كان ماضى وفات

ليه عايزنا نرجع ونعيد الذكريات

كفايانا وجع وأهات

ليه تقوللى هنرجع الحب اللى كان

كفاياك وعود واحلام وكلام كأنه ما كان

الحب ما بيننا خلاص مبقاش له مكان

فاكر زمانلما كنت بتقولى باحبك موت

دلوقتى وجودك جنبى بيخلينى اموت

زمان كنت عندى اغلى حبيب

خلتنى اقول دلوقتى ملناش نصيب

نعيش سوا حبيبة وحبيب

من غير جراح وألم وتعذيب

ملناش نصيب فى دنيا حلوة

نملاها ضحك ولعب وأحلى غنوة

ملناش نصيب

رسالة الى حبيبى

حبيبى
يا أحب انسان الى قلبى
يا من تغنيت بأسمه دون باقى الأغنيات
يا من جمعت شتات قلبى بعد الأوجاع والأهات
يا واحتى وسلواى
يا دنيتى ومنجاى
حبيبى
يا من عرفت الحب بوجوده
وملكت الدنيا بوعوده
يا من أشرقت الدنيا ببسمتك
وضحكت الحياة مع ضحتك
حبيبى
ان لم أكن أحبك فمن أحب
ان لم أعشقك فمن أعشق
ليس بالوجود من هو مثلك
من يحب ويخاف ويحنو ويعطف
من لى غيرك يا حبيبى

أشم رائحة لشىء مات فى قلبى

أترى مات الحب وانتحرت الأشواق؟؟؟

عيد ميلاد دراما كوين

نسيت اتكلم عن اهم يوم فى حياتى

عيد ميلادى الواحد والعشرين

خلاص بلغت زى ما بيقولوا سن الرشد

ييعنى خلاص لازم اعقل

حسيت ان اليوم دة بداية لعمر تانى

حياة تانية

مش عايزة يبقى فيها زعل او حزن

هاتعلم من كل حاجة حصلت حتى لو كانت مش حلوة

بس اهم حاجة اتعلمتها هى الصبر

انى اصبر مهما حصل

وان يكون عندى امل فى بكرة

يعنى اطبق عبارتى المشهورة

غدا يوم جديد

من غير مشاكل أكيد

باذن الله هيكون سعيد

اقرار

اقر انا الموقع ادناه

وانا فى كامل قواى العقلية

انى لن اسمح للحب ان يدخل قلبى

حتى وان طرق بابه الاف المرات

لن يدخل الا بامرى انا

لن يدخل الا من ارتضيه زوجا و أخا و حبيبا وصديقا واب

لكن اين هذا الرجل؟؟؟؟

أيكون فى هذا البلد أم ذاك

أيكون خلف هذا الباب أو داخل هذا المنزل

هل هو مثلى ينتظرنى؟

هل يبحث عنى؟؟

أم انه ترك للقدر أن يرتب هذا اللقاء؟؟؟؟؟

توقيع

دراما كوين

بداية

الحمد لله
نجحت السنة اللى فاتت
برغم انه ليس كاملا لكنه نجاح
بقيت فى بكالريوس رابعة يعنى خامس سنة ليا فى الكلية
اولا مش مصدقة انى كبرت للدرجة دى
اوك مش كبرت اوى بمنظور ناس كتير يمكن يقولوا انتى لسه عيلة
فعلا انا لسة عيلة
لسة باسمع اغانى اطفال لسه باحب اللعب والعرايس
بس مش دة اللى مخلينى اقول انى عيلة
جوايا حاسة انه مهما مرت سنين انا لسة صغيرة
حاسة انى لسه فى اولى
سعات باحس ان الزمن وقف معايا
صوتى وشكلى وقلبى ومشاعرى كلها لسة صغيرة
اوقات بالاقينى كبرت
१००
سنة بسبب مشاكل مرت بيا لكن ارجع تانى والاقينى لسة عيلة
سعات باحسد نفسى على روقان بالى فى اوقات كتير (عيلة بقى)
لكن لما بتيجى مشكلة
دنيتى كلها بتتلغبط وزى ما بيقولوا باشيل طاجن ستى لحد ما المشكلة تتحل

ثانيا وهى دى المشكلة اللى حصلت
لما دخلنا الكلية انا كنت مختارة من زمان انى اشتغل فى مشروع معين
اتنقلنا بين تلات مجموعات
وفى الاخر الدكتور موافقش على مجموعتنا
دنيتى انهارت واحلامى اختفت من قدامى
عدا على اصعب ايام مش هاقول اصعب ايام فى حياتى لكنها كانت ايام صعبة اوى
دعينا ربنا كتير انه يعمل اللى فيه الخير
كلمنا ناس كتير

بس الحمد لله الدكتور وافق بعد معاناة
الحمد لله

واقع ولا حدش سمى عليه

وَاقع مُؤلم

أن يتمنَّاك الْجَميع

إلاَّ مَن تمنَّيتهـ

وَاقع مُرعـب

أن تكُون المْقصود فِيما ورد أعلاهـ

ولكنَّك لا تعلم

وَاقع قاتِل

أن تكُون تعْلَم بأنَّك الْمقصود

ولكنَّك تُجيد دُور التخاذل والْغباء بـبراعَة

حقيقة مخيفة وواقع مؤلم

فى لحظة ممكن اقول عليها صدق مع نفسى اومحاسبة لنفسى

قعدت افكر فى حالى

عملت ايه

عرفت مين

صالحت مين

زعلت مين

كسبت ايه

خسرت كام

لقيتنى فجأة سرحت وعينى وسعت على اخرها

لقيت القناع اللى كنت لابساه بقالى اكتر من سنة وقع

وكشف عن حقيقة مخيفة وواقع مؤلم

عن وضع لو استمر هتكون نهايته بشعة

أو بالاصح نهايتى انا هتكون بشعة

الحقيقة دى شالت عنى شبح الأبتسامة اللى كنت باستخبى وراهارغم الصراعات اللى جوايا

اكتشفت انا اللى قتلته

زمان كنت سايباه حر طليق

يروح اى حتة

يرتاح عند اى حد

ماعرفش ايه اللى حصل

بقيت باقتله اول ما الاقيه اتولد

حتى قبل ما يبتدى يتنفس ويكبر

علطول اقتله

ولو مرة سهيت عنه وسبته يكبر شوية

اختلق اعذار غبية واقتله

فوجئت انى بجد باقتل اى احساس جوايا

باستخف من فكرة انى اكون معجبة بحد

واستنكر ان حد يقوللى انتى بتحبى فلان

اقول لأ طبعا دى مجرد زمالة

بعد ما كنت فيض من المشاعر الجميلة والاحاسيس المرهفة

وجدت نفسى فجأة بلا مشاعر كالصحراء التى لم تطئها قدم بشرية منذ زمن

زمان كنت غلط انى سايبة قلبى يتحكم فيا

لكن دلوقتى الغلط اكبر

اديت لعقلى فرصة اكبر من اللى لازم ياخدها

كان غرضى انه يكون صاحب الكلمة الاولى فقط

وبعدها يكمل قلبى المشوار

لكن واضح انه تمادى فى اداء دوره

وتفانى فيه حتى اتقنه

قرر ان يكمل المشوار بمفرده

بونوى

نفسى اقول للحزن بااااااااااااااااى

واقول للافراح هاااااااااااااااااااى

واقول للناس انا باحب سمارت جااااااااااااااااااى

هيخلينى نيفر كراااااااااى

ونطير سوا بعيد فى ال سكاااااااااااااى

عند نجمة عاليه هااااااااااااااااااى

ونوريها اننا بنحب بعض سومتش

اروفواااااااااااااااااااااااااااااار

عجبتنى الجملة دى جدااااااااااااااااااااااا

قالوا ان اللى يحب بجد

ميحبش بس ميكرهش

وانا فاض بيا تعبت بجد

قد ما باتعب لا كرهتك

ولا عارف حتى ماحبكش

قلبا أخر

فكرت كثيرا ماذا اريد

فوجدت انى اريد قلبا

عندى قلب ولكنى اريد قلبا اخر

اريد قلبا محصن من الخارج بالفولاذ

ويوضع عليه باب حديدى كبيرله قفل ضخم

ومن الداخل

يكون مبطن بالحنان والحب

ويكون مملوءا بالأمل والسعادة

اما القفل فمفتاحه يكون مخبأ فى جزيرة بعيدة

والجزيرة لها خريطة واحدة

هذه الخريطة ايضا مخبأة

ويكون على من يحبنى ان يحاول فك الغازىحتى يعرف مكان الخريطة

وعندما يعرف مكانهالايجد وسيلة مواصلات تنقله الى الجزيرة

فيكون عليه ان يتحمل مشاق الوصول الى الجزيرة

وعندها سيجد المفتاح

ويعود الى وكله انشكاح

ويفتح القفل

ومن ثم يفتح الباب ويدخل قلبى وكله افراح

لانه سيجد الطريق مفروشا بالحب والامل والحنان

وعندها سيحاول جاهدا الحفاظ على قلبى

لماذا؟؟؟؟؟؟

لانه تعب حتى يصل اليه

طفولة متأخرة

مش عارفة ايه اللى رجعنى لطفولتى تانى

قعدت ادور على اغانى الاطفال بالذات اغانى نيللى

فراشة صغنططة واللعبة

واغانى محمد ثروت وايمان البحر درويش وعفاف راضى

اغانى بترجنى مثلا 16 سنة ورا

بارجع احس بالبراءة وبتفرحنى مهما كنت حزينة وباعد اغنى معاها كانى لسة طفلة

وبقيت مشرفة هييييييييييييييييه

اول امبارح بقيت مشرفة لقسم البنات فى المنتدى الجميييييييل جدا

مش عشان انا فيه لكنه بجد منتدى هايل ومحترم والناس اللى فيه محترمين جدا

www.shbablive.com

انا مبسوطة جدا

بس باعك شوية

بس هاتعلم واظبط الدنيا

وهابقى عند حسن ظن كل الناس بيا

مفردات من قاموس فاروق جويدة:

القدس: مدينة الأنبياء.

الفراق: لحظة قاسية لا أحبها.

السعادة: ضيف عابر.

اللقاء: ما أجمله مع من نحب .

الشوق: أحياناً يصبح شيئاً مؤلماً.

الصداقة: أكبر من الحب إن صدقت .

الغدر: لا أعرفه .

الذكريات: حقيبة نجمع فيها أوراقنا قبل أن تحترق في سراديب النسيان .

الشيخوخة: إحساس بالضجر لا يرتبط بالسن و لكن يرتبط بالإرادة

و مش لانى من عشاق فاروق جويدة فأنا باتفق معاه فى كلامه

لكن بجد مفردات قاموسه هايلة

السويدى للكابلات

من حوالى 4 سنين لما دخلت الكلية

لما كانت صاحبتى تسألنى هتشتغلى لما تخلصى ولا لأ

أقولها لأ

لحد ما وصلت لأول سنة تخصص وهى كهربا باور

عجبتنى اوى مادة تكنولوجيا

كان فيها فصل بيتكلم عن الكابلات

ومن هنا ابتدت قصة حبى للكابلات

وكمان خدنا ورشة كابلات وانارة وعجبونى اوى

يعنى كانو اكتر ورش باستمتع بيها واحب حضورها

ولما اتدربت فى محطة للكهربا فى سنة تانية

اتكلموا معانا عن المراحل اللى بتمر بيها الكهربا من التوليد ثم النقل ثم التوزيع

وبرضة كنت مشدودة اوى للجزء بتاع النقل والتوزيع

رغم ان التوليد كمان ممتع جدا

لكن النقل والتوزيع احلى

وفكرت انى اعمل مشروع التخرج فى التوزيع

ربنا يسهل لسة ماستقرتش على مشروع

المهم ان السنة اللى فاتت سألنى واحد زميلى

انتى هتشتغلى بعد التخرج؟؟؟؟؟

قلت له لأ

قاللى بس حرام تعبك 5 سنين فى الكلية يتركنو جنب الحيط

قلت له رد قال عليا بعدة انى مجنونة

ايه هو الرد؟؟؟

قلت له انى مش هاشتغل عشان الكلام بتاع احقق ذاتى ويبقى معايا فلوس

انا هاشتغل حاجة انا باحبها ولو ملقتش شغل انا باحبه مش هاشتغل

يعنى شغلى هيكون للاستمتاع بحاجة انا عايزة اعملها وافكر فيها

بس فقاللى انتى مجنونة

انا مش حاسة ان دة جنون

هو فيه جزء من الجنون لكن لو كل حد اشتغل عشان هو بيحب الشغل دة هيكون انتاجة فى مجاله اكبر من انه يبقى مفروض عليه شغل معين هو مش عايزة

اما بقى ليه انا مسمية الموضوع باسم السويدى للكابلات

فدة بسبب حبى الشديد للكابلات

وواضح ان المصنع دة متميز جدا

عشان كدة حلم من احلامى انى اشتغل فيه

لكنى مش هاشتغل لمجرد انى باحب المجال دة

الدنيا اكبر من كدة بكتيييييييييييييييييييييييييير

والموضوع اصعب من كدة بكتيييييييييييييييييييييييييير

رباعيات صلاح جاهين

قريت جزء من رباعيات صلاح جاهين

ولقيتها جميلة بشكل غير عادى

كل رباعية منها بتحكى موقف فى حياتنا

وكأننا عايزين نقولها لكن هو سبقنا وقالها

قالها باحساس مفيش اجمل منه

وجمال وعذوبة مفيش بعدها

أنا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنا
أخرس و لكن قلبي مليان كلام
عجبي !!!!

خرج ابن آدم من العدم قلت : ياه
رجع ابن آدم للعدم قلت : ياه
تراب بيحيا ... وحي بيصير تراب
الأصل هو الموت و الا الحياه ؟
عجبي !!!

مع إن كل الخلق من أصل طين

وكلهـم بينزلـوا مغمضيــــــــــن

بعد الدقايق والشهور والسنين

تلاقي ناس أشرار وناس طيبين

عجبي !!

نظرت في الملكوت كتير وإنشغلت

وبكل كلمة ( ليه ؟) و ( عشانيه ) سألت

اسأل سؤال .. الرد يرجع سؤال

وأخرج وحيرتي أشد مما دخلت

عجبي!!

يا خالق الكون بالحساب و الجبر
و خالقني ماشي بلختيار و الجبر
كل اللي حيلتي زمزمية أمـــــــل
وازاي تكفيني لباب القــــــــــــبر؟
عجبي !!

ليه يا حبيبتي ما بيننا دايما سفر
ده البعد ذنب كبير لا يغتفر
ليه يا حبيبتي ما بيننا دايما بحور
أعدي بحر ألاقي غيره اتحفر
عجبي !!!

يااااااااااااااااااااااااااااااااة أخيرا

كان فى مشكله عندنا فى الويندوز عشان كدة معرفتش اكتب حاجة فى البلوج

لكن الحمد لله اتصلحت

جوايا كلام كتييييييييييييييييييييييير نفسى اقوله

واكيد ان شاء الله هيطلع

جرح النفس

احيانا يكون جرح النفس أشد وأقسى من الجرح الابدان

خاصة لو كان من أعز الناس او من كنت تتخيلهم أعز الناس

لكن ماذا نفعل هذه هى الدنيا وهذا ما عودتنا عليه لا فرح يدوم ولا هناء يبقى

مش هو دة

مش هو دة الانسان اللى عرفته زمان

التانى كان واحد كل اما اشوفه افرح وتجبرنى ابتسامته انى اضحك

حتى لو كنت مليانة بالهموم

لدرجة انى بقيت اشبهه وبقيت علطول ابتسم زيه

مش هو اللى كنت باحس لماأشوفه بيوم جديد سعيد من غير مشاكل

دلوقتى حاسه انه مليان هموم

ممكن اكون غلطانه اصلى لسه ماعرفوش كويس

بس انا حاسة انه متضايق ودة خانقنى

كلمات منقولة لكن أعجبتنى جدا جدا

هى لحظات حزن تمر بك
و تشعر بإن دموعك تنزف داخل قلبك
بعد آن منع كبريائك سقوطها من محاجر العين .. !!
عندما تذبل زهور عمر من أحببت أمام عينك
وتشاهد الألم والحزن في وجهه كلما نظرت اليه !!
وأنت حائر تأئه ليس بيدك شي تفعله من اجله غير الدعـــاء
تحبس دموع عينك حتى لا يراها فيزداد عذابه
في هذه اللحظه تشعر بتلك الدموع داخل قلبك !!
هو متنفسك وملجئك
هو المتعة و الراحة
هو ضحكة الحياة في الليالي العابسة
هو الصدر الحنون لك
عندما تحملك الحياة اكثر من طاقتك !!
تبحث عنه
وترمى حمولك وهمومك كلها بين يديه
ويفاجئك القدر وبدون مقدمات
فتشاهده يحزم أمتعته ؟؟
فتسأل بخوف وقلق : ما هذا !!
فيبتسم لك ابتسامة عذبة
ويقول لك: آن اوان الرحيل عنك
تتخيل حياتك بدونه فترفع رأسك الى السماء !!
ترجوا رحمة ربك...
ولتمنع سقوط دمعة عينك
ولكن تشعر بهذه الدموع داخل قلبك
علمك كيف تحب بعد ان نسيت الحب
اعاد اليك روحك بعد أن غادرتك
عندما تصدق كل كلمة قالها عن الحب
وتعيش احلام واحلام لم تعشها من قبل
و يلعب بعواطفك الطفوليه
وان ماقاله لك يقوله لغيرك
وتكتشف بعد حين خيانته لك
عندها تشعر بإن دموعك تنزف داخل قلبك
في عطاء دائم معهم
تحرم نفسك وتعطيهم
تقسوا على نفسك من اجلهم
تسهر تبكى من اجلهم
ضحيت بقلبك فى سبيل سعادتهم
ذللت الصعاب لهم
عندما شعرت بالدوران
فأردت آن تمسك بيدهم
سألوك ماذا قدمت لنا ..!!
تحاول الصمود. وتمنع الدموع..!!
ولكن تشعر بهذه الدموع داخل قلبك
تتبادل معه أطراف الحديث
تنظر إلى عينيه بين وقت و أخر
وتغمض عينيك لتتشبع روحك بصوته قبل أذنك
وتبحث بين كلماته على ذلك الوميض الخفي
لتطمن قلبك المتيم بحبه
و بصوت دافئ وابتسامه عذبه من تلك الشفاه
يقول : لدي أحتفال خاص
وليلة مميزه مع من احب
يجف حينها كل سائل في جسمك
وتتلعثم الكلمات على شفاهك
وكطفل يحاول تركيب الجمله الأولى في حياته تقول له :
دامت السعادة لك سنين
و حقق آمالك رب العالمين
وتقطف من قلبك زهور حبك وتقدمها باقة له
فشيعتها كل الحروف وبكت من اجلها نبضات القلوب
وهنا فقط . دموعك تنزف داخل قلبك ...؟؟

نفسى اعرف

سعات بيكون أحسن اننا منفهمش او نعمل مش فاهمين
انما لما نبقى بجد مش فاهمين بتبقى حاجة وحشة اوى
بنكون محتارين
قلقانين
خايفين من الخطوة اللى جاية
بيبقى نفسنا نتحول لاى حاجة تقدر تدخل جوا دماغ الناس وتعرف ايه اللى بيفكروا فيه
نفسى اعرف بيفكر فى ايه؟
عايز يعمل ايه؟
كذا مرة كنت باتمنى انى اعرف ايه اللى دماغ الناس اللى باكلمهم
اعرف دة عدو ولا حبيب
بس دلوقتى امنيتى دى زادت اوى

قابلتها

لما قابلتها

كنت مشتاقة اوى انى احضنها لكن عندى برد محبتش احضنها جامد المهم فكرنا نروح النادى ورحنا لكن منفعش ندخل

رحنا سيتى استارز ,طول الطريق واحنا بنتكلم كان عمرنا ما اتكلمنا حكينا كل حاجة واتكلمنا فى كل حاجة

وانا معاها حسيت ان كل الهموم اللى كانت عندى والكلاكيع اللى كنت فاكراها جوايا ولا حاجة انا كنت مكبرة الموضوع

ضحكنا كتير وقلنا مواقف جميلة

انا باحبها اوى اوى

محتاجة حاجة

مش عارفة ليه اتجمعت فى بالى اكتر من اغنية بتتكلم عن الاحتياج

ايوة محتاجة لها اوى

محتاجة اتكلم معاها

محتاجة ابكى فى حضنها

منها لله الامتحانات اللى مفرقانا

ربنا يعديها على خير وينجحها

المهم انى محتاجاها اوى

أحبينى

دعنا لا نجعل الحب ضميرمستتر

دعنا نجعله مرفوعا عن الشبهات

مجرورا بالسعادة والامال

يصبح صفة لنا وحال لعمرنا

اجعله مبتدأ حياتنا

وخبر ننشره بين أهلنا

نهر الحب

يا من أحبتت قلبا خائنا أو مخادعا أو لاهيا

لا تحزن

فهو الأحق منك بهذا الحزن

يا من أعطيت الحب والمشاعر وخفت وحنوت

لا تحزن فقد علمت ان بمقدورك ان تحب

ولا تيأس

فهذا النهر الجميل من المشاعر والاحاسيس لن ينضب

ولكنه حتما سيجد أرضا يرويها ويتمتع بمشاهدتها وهى تنمو وتكبر

أما من أحببت

فقد عرفت أنه لا يملك نهرا ولا حتى بئرا

فهو صحراء جرداء لا زرع فيها ولا نماء

وبفقدانك فقد الماء الذى كان سيرويه

وسيحزن ويندم أشد الندم على ما ضيعه من يديه

ويندم على ما أقترفه فى حقك

وانت انعم بما لديك من خيروحاول ان تنميه وتزيده

حتى تجد القلب الذى يحتاج ماؤك ليرتوى من حبك

حيرتنى

أمرك حيرنى وغيرنى
فلا أنا قادرة على فهمك
ولا أنا فاهمة من أمرك شيئا
من انت ؟؟؟
من اين اتيت؟؟
لماذا أصبحت أراك دائما أمامى؟؟
لماذا أصبحت حتى فى أحلامى؟؟؟

اخيرا تحررت من السجن

أخيرا تحررت من السجن الذى وضعت نفسى فيه

تخلصت من القيد الذى طالما كرهته

ظننت ان حبه مثل اللعنة التى ستظل تطاردنى اينما ذهبت

ومهما قررت ان ابتعد ومهما فكر ان يرحل سنظل دائما نحن الى اللقاء

لكن الان نسيته ,

نعم لم اصدق نفسى حين وجدتنى لا اريد التفكير فيه

لم أكرهه لكنى كرهت ما فعلت بنفسى

فقد اضعت احلى سنين عمرى

اضعتها فى وهم نسجته فى خيالى

اسمه الحب لانسان هو ابعد ما يكون عن المشاعر

لكنى الان تحررت

ارى الدنيا بوجه جديد وقلب جديد

نعم سأعيش لنفسى

ولن التفت للماضى

ولن اعيد التفكير فيما مضى

اريد ان يفرح الجميع معى ويحتفلوا

اشعر بمثل من كان فى غيبوبة استمرت طويلا

وبعدما افاق يريد ان ينطلق نحو الحياة

يمرح ويحب ويعيش ما فاته

لكن هذه المرة ساكون اقوى

لانى تعلمت الدرس

كذبت الزهور

وتضيع منى ويضيع منى كل شىء

لكن يبقى عندى أمل

أمل بأن تعود

وعدت ذات يوم حاملا باقة زهور

بها زهرة بيضاء كتبت عليها سامحينى

وأخرى حمراء كتبت عليها أحبك

وأخرىأخرى كتبت عليهم الكثير من عبارات الغزل والأسف

وسامحتك ورضيت أن نرجع سويا

نعيش الحب من أعماقنا

لكنك منحتنى مع الحب شيئا أخر

منحتنى الخوف

الخوف من أن تتركنى ثانية

وارتعشت يداى وأحست الزهور برعشتى وأحست بخوفى

و طمأنتنى قالت لى لا تخافى فهو يحبك

وصدقت الزهور

لكن زهوره كانت مثله

كانت تكذب

فبمجرد أن ذبلت الزهور و زال رحيقها

ذبلت روحى

فقد تركنى

أه منك يا زهور

وأه منك يا حبيب العمر

خليها جنب العش

كان فى عصفورة صغيرة

بتحب تضحك وتلعب وتفرح وتغنى

,كانت بتحب الحياة,

وشايفة ان كل شىء صافى وبرىء

كانت بتحب كل العصافير اللى حواليها

كانت فاكرة ان الدنيا كلها جميلة زى الدنيا اللى هى عايشة فيها

كانت بتدور حوالين العش

وتقول أحمدك يا ربى الدنيا دى مفيش احلى منها

لحد ما كبرت وبطلت تدور حوالين العش

بقت تطير ابعد من العش

فى مرة شافت صقر ,

لقيته زيها بيطير ,

قالت دة يبقى زينا جميل وطيب,

مكانتش تعرف انه قوى وجارح

حاول الصقر يقرب منها ويجرحها,

هربت منه وبعدت عنه

طارت ابعد شافت نسر زيها بيطير

قالت دة يبقى زيى جميل

راحت للنسر لقيته زى الصقر حاول يجرحها

رجعت العصفورة للعش

وقررت ان عمرهاعمرها عمرها ما هتبعد تانى عن العش

بس بعد ما عرفت ان الدنيا مش بس المكان اللى جنب العش,

الدنيا اكبر من كدة بكتير

وعرفت ان مش كل الطيور زى العصافيرعايشين فى حب وسلام

فى صقور ونسور أقوياء وبيجرحوا العصافير

وقررت انها مش عايزة تعرف حاجة تانية عن الدنيا اللى برة

هتفضل جنب العش

لو اننا لم نفترق

لو اننا لم نفترق

لظللت انسج من خيوط شعرك واحة

يأتى اليها كل من هده الشوق ولوعة البعاد

اتظنين انه بعد فراقنا سيهنىء أحدنا بالعيش فى هذه المدينة

,ألا تدرين انها مثل الغابة الموحشة

وانا وانت مثل الملائكة,

فماذا افعل اذا التف حولى هؤلاء الوحوش التواقين الى الكذب والخداع؟

وماذا سافعل بدون واحتى ورفيقتى وسلواى؟

وماذا ستفعلين انت ايتها الحمامة الرقيقة مع هؤلاء الذئاب؟

ماذا ستفعلين يا قطرة الندى فى مواجهة هذا الصخب والادعاء؟

مالك تقاومين هذا الشعور؟

أعلم انك مثلى تشتاقين الى

تتمنين ان نلتقى مجددا

لننسج من الحب واحة

تكون قبلة للعاشقين

و مرسى للحائرين

وملاذا للهاربين من قسوة هذا العالم المجنون

تعالى اذا نحارب الخداع فى مدينتنا

نهزم الغش والكذب

نعلم الناس كيف يكون الحب ؟

كيف يكون السلام ؟

كان لى قلب

كان لى قلب ملىء بالحب

يرى العالم بمنظار وردى

أحب قلبى مرة

خرج منها محطما متناثرا على طريق الخوف والالم

أقسم بعدها ألا يقع فريسة للحب مرة ثانية

كان لى قلب طيب يحب جميع من حوله

عرف هذا وأحب هذا وعشق هذا

واتضح ان هذا كذاب وهذا مخادع وهذا يسعى فقط لتحقيق مصالحه

كان لى قلب

تعلم ان يحلم

فحلم بالمحال

حلم بعالم يسوده الحب والوفاء

لكنه اكتشف ان العالم يملؤه الكذب والغش والخداع

كان لى قلب

تمنيت ان يموت

فمات