ذكريات حلوة

من يومين كلمت انسان عزيز على قلبى جداجداجداجدا

لو قعدت اقول جدا لحد السنة الجاية مش هاوفى حقه ومش هاوصف اد ايه هو بالنسبة لى انسان مميز فى كل حاجة

خلانى رجعت تانى دخلت المدونة

رجعنى لايام حلوة اوى

دخلت مدونتة ولقيت اول بوست قريته عنده

وافتكرت زماااااااااان من يجى كام سنة كدة

فاكرة انى قريت البوست اكتر من 5 مرات من كتر مانا حبيته

والذكريات بقى جريت ورا بعضها

ذكريات اجمل سنتين فى الكلية

وشكل ملامحى لما بتيجى سيرته

ابتسامة بجد من قلبى

فاكرة انه كان بيفهمنى على طول فى وقت صحباتى البنات مكانوش فاهمنى

فاكرة ان هو اللى خلانى اكتب

وخلانى احب اكتب واقرا

خلانى اثق بنفسى

ثقة غريبة قبل ما اعرفه مكنتش باحس بيها

بجد اوفى واحسن صديق

i miss you

I miss you more than any time

I need you

realy

realy

شئ ما فى قلبى

اللى كانت انتيمتى واحشانى

مع ان ليا اصحاب كتير الحمد لله بس كان فى احساس دلوقتى مش موجود

احساس حصرى زى ما بيقولوا

ان انا ليها وهى ليا بس

برغم وجود اصحاب تانيين لينا بس هى كانت دايما موجودة

وتقريبا انا كمان كنت دايما موجودة عندها

خلاص مش هنرجع تانى بقالنا اكتر من سنة مبنتكلمش

وعمرنا ما هنرجع نتكلم تانى

بس انا مفتقداها

او يمكن مفتقدة احساسى وهى معايا

ولا حد قادر يملى الفراغ اللى هى سابته

مش عارفة لو شفتها هاعمل ايه

شغلى قريب من بيتها وسعات باروح مكان قريب جدا جدا من بيتها اصلا سعات كان بيبقى مكان خروجنا

بصراحة خايفة اشوفها

ياترى هابتسم واكلمها

ولا هادور وشى الناحية التانية

وهى اصلا هتعمل ايه

بقالى سنة ونص باشتغل ومشوفتهاش

الله اعم اللى جاى هيحصل ايه