اغلب التعليقات على البوست اللى فات كان رأيهم ان المسئولية متوزعة بين الطرفين
وبتكون بالاتفاق بينهم
لكن المهم يكون كل طرف متربى على تحمل المسئولية
اللى شايفاه فى بعض الناس سواء انا واسرتى او اصدقائى
فى ناس كتير ومش هاقول بنات بس او ولاد بس مش متحملين لاى مسئولية
مثلا
حد من الناس
لو عايز يشرب لازم ينده حد من البيت وغالبا ااخته الصغيرة
او لو عايز يحط فيشة اللاب توب ينده حد يعملها
واحدة من الناس
عمرها ما حطت ايدها فى المطبخ
كبيرها تعمل شاى
وغيرهم كتير
بجد دول بيصعبوا عليا
صعب تلاقى حد يستحمل اللامبالاة اللى هما فيها وعدم تحملهم لمسئولية
عن نفسى استحالة ارتبط بحد من النوع دة
بس فى سؤال دلوقتى
ازاى حد يكون معتمد على غيره دايما يتغير ويبقى معتمد على نفسه؟؟؟؟؟؟؟؟؟؟
كمان فى حاجة
الردود اللى قالت ان البنت او المرأة دورها جوة البيت
والرجل برة البيت
هل دة معناه انه البنت جوة بيتها تبقى عاملةزى الفلبينية وهو يفضل (سورى مأنتخ)
ومش يعمل اى حاجة
ولا فى حدود ؟؟؟؟؟؟؟؟؟
17 comments:
هييييييييييييييه اول تعليق
موضوع مهم فعلا
دلوقتىازاى حد يكون معتمد على غيره دايما يتغير ويبقى معتمد على نفسه؟؟؟؟؟؟؟؟؟
بتحصل اذا كان مضطر يعتمد على نفسه او بالتدريب انه يعتمد على نفسه
هل دة معناه انه البنت جوة بيتها تبقى عاملةزى الفلبينية وهو يفضل (سورى مأنتخ)ومش يعمل اى حاجة ولا فى حدود ؟؟؟؟؟؟؟؟؟
لا طبعا لأنها زوجة مش فلبينية المفروض يبقى في مشاركة في كل حاجه
النبى صلى الله عليه وسلم ورد انه كان بيساعد زوجاته
اعتقد مفيش مانع من بعض المساعدات ولو حتى بسيطة
دمتِ بكل الود
انا شايف ان الأنسان ممكن يتغير بين يوم وليله ويكون قادر على تحمل المسؤليه ويكون احسن من تحملها كمان
الحجات اللي قلتيها فوق دي كلها سعات ممكن نسميها كسل لكن في المسؤليه دا بيبقي شئ تاني
وبتختلف بأختلاف الشخصيات والظروف
يعني سعات ممكن الظروف تجبرك على تحمل مسؤليه أكبر بكثير مما نعتقد اننا قادرين على تحملها
تحياتي
هي على حسب تركيبة الشخصية نفسها سواء راجل أو ست
فيه شخصيات بتتحمل مسئولية وشخصيات لأ
المسئوليه مشتركه بين الراجل والست دايما
بس التفاهم مطلوب دايما بينهم
ودا هيسهل الحياه الزوجيه كتير
أعتقد ان افراد العائلة كلهم متشاركون فى هذه المسئولية, كل بقدر.. ولكن التربية الخاظئة, والنظرة الدونية للفتاة على انها خلقت للخدمة, أوصلنا الى التسيب والتهرب من المسئولية الذى تعانى منه اغلب بيوتنا حاليا
تحياتى
الموضوع مش كدا خالص
.
.
اللي اتنين لما بيتجوزا مش بيقعدوا مع بعض ماسكين ورقة وقلم ويعدوا المهما المطلوبة منهم مثلا
ويوزعوها علي بعض
.
.
انت عليكي عمل الشاي وانا لو الباب خبط اقوم افتح وهلم جرا
.
.
.
الوضع مختلف تماما
الراجل مفروض عليه مسئوليات بحكم رجولته وقوامته وهو انه يتعب ويكد عشان يوفر حياة كريمه ليه ولمراته
.
.
والست عليها انها تساعد جوزها علي انه يحس بالراحه والامان الفترة اللي بييجي فيها البيت لانها السكن ليه والامان
.
.
لكن كون مين يحط فيشة الاب توب ومين اللي يغسل المواعين بعد الاكل ... دا ماعرفوش واظن انها مش بتقاس كدا
تحياتي والسلام
ليدى
*****
اشكرك على ردك الجميل
ومبروك عليكى اول تعليق
محمد غالية
*******
عليه افضل الصلاة والسلام
شكرا ليك
مهندس على درويش
***************
شكرا جدا جدا جدا
احترم كلامك جدا
حسام غانم
******
تمام
رومنسى
******
عندك حق
حازم سويلم
**********
اشكرك
جبت الكلام المفيد
المشكلة فى التربية
انا جيت المدونة من مدة وكنت اخدت لينكها في المدونات اللي بتاعبها لكن مع الاسف ظروفي مسمحتش إني اجي واعلق على أول موضوع غير المرة دي
وده من سوء حظي قطعا
عموما إن شاء الله مستقبلاً من الممكن تدارك ما فات بإذن الله
-----------
اسمحمي لي اقول رايي في الموضوع ده
هو من حيث المبدأ
كل ميسر لما خلق له
بمعنى أكيد في مهام صعب البنت تقوم بيها وكذلك مهام صعب الولد يقوم بيها
مثلا حاجات تكون محتاجة لقوة ممكن يكون دور الولد أفضل
وحاجات محتاجة لدقة أكيد دور البنت هيكون أفضل
ومن هنا دورهم تكميلي لبعضه ومفيش أي تعارض بين الأتنين
وعن موضوع الأنتخة طبعا ده مش لطيف
ومش معنى ان البنت في البيت بتعمل كل حاجة فيه مثلا إنها فليبينية
لأن لو بالمنطق ده
هو كمان مش بيشتغل عندها ومتعلق في الساقية طول النهار
إنما كل واحد له دور بيقوم بيه
وبالنسبة للأولاد أو البنات قبل الجواز اللي مكسل يغسل أيده وعايز حد يغسلها له
ده كله بيتغير بعد الجواز بالنسبة للبنت مثلا
وبالنسبة للولد لو راح الجيش أو إضطر إنه يسافر وأكيد هيضطر لأن البلد كلها عايزة تهج وتسافر
فأكيد هيتعلم يعتمد على نفسه لأن مفيش هناك بابا وماما علشان حد يشيل له الطبق اللي أكل فيه
وأرجو إني ما أكونش طولت عليكي
إنما للحديث شجونه
تحياتي
وليد
ادم المصرى
********
اجلت الرد على كلامك لحد اما افضى
وادينى فضيت
تاتاتا
0موسيقى تصويرية)
اكيد هما مش ماسكين ورقة وقلم بس فى تعاون واحساس بالتانى
يعنى هو يكون بيحب يرحها ومش عايز يتعبها فاللى يقدر عليه يعمله
وهى كمان تكون عايزة تريحه وتخليه مش يقوم من مكانه
انما لازم كل واحد يقدر اللى التانى بيعمله ويحاول يريحه
ميرسى اوى على ردك
وليد
****
من سوء حظى انا انك مشاركتنيش قبل كدة
لكن ملحوقة
تعليقك جه فى موضوع كويس
تحياتى ليك ولتفكيرك
واحساسك فعلا ان الموضوع مشاركة بين الاتنين
شكرا ليك على زيارتك وتعليقك ويارب يتكرروا
Post a Comment