لا اعرف ماذا حدث
ما الذى ادى بنا الى هذا الوضع
هل ماكان مجرد وقت قضيناه
هل كانت الصداقة التى طالما فخرنا بها مجرد معرفة
لطالما قلنا اننا لن نفترق ابدا مهما حدث وان حدث خلاف بيننا نقول اننا ربما حسدنا من الناس
ونعود بعضها اقوى مما كنا
اختلفنا
تخاصمنا
مرات عديدة
لكن دائما نعود
نعود اقوى
نعود محملين بشوق وامتنان وحب
نعود مصرين على الا نفترق مجددا
وان نحافظ على ما بيننا
فهو اجمل شئ وجدناه
هو الحب الخالص البرئ
لا اجد من الكلمات ما يسعنى لكى اصف ما كان بيننا
لعلنى استطيع وصفها
لكنى ايضا لا استطيع
فهى روحى
هى حياتى
هى اغلى انسانة واجمل انسانة وجدتها
هى عمرى
اين راح الحب
المشاعر
الصداقة
ما يحزننى هو هروبها
طوال شهر احاول الاتصال بها
لكنها دائما غير متواجدة
وعندما ردت وليتها لم ترد
بكل برود اخبرتنى انها لا تريد ان تحادثنى
لم اعرف ماذا اقول
هل انفجر فيها
اذكرها بكم مرة تحملتها وتغاضيت عن اى شئ يعكر صفو صداقتنا
هل اذكرها بكلامها انى من يفهمها ولا يغضبها
ام هل اصمت واانهى المكالمة حفاظا على كرامتى
حفاظا على الذكريات التى لا اريد تلويثها باى مشاحنة او كلام جارح
وكالعادة اثرت السلامة واثرت الصمت
وبهدوء شديد انتهى ما بيننا
انتهت اكثر من ثمانى سنوات من الحب الخالص
ثمانى سنوات من العشرة
32 comments:
حتما لن ينتهى هذا فى لحظات
فسيفوز الحب بينكم
دمتم بكل الود
اكيد حصل حاجه جامده علشان ينتهى الحب بالشكل ده
وعموما اسئليها
دافعى عن عشره العمر
وحاولى تصلحى اللى انكسر بينكم
السلام عليكم
معلش متزعليش نفسك أكيد في سؤ تفاهم حصل يمكن حد حاول يوقع بينكم وللاسف الناس دى موجودة
بلاش تكلميها تانى ممكن تبعتلها رسالة تتطلبي منها أن من حقك تعرفي هي زعلت في ايه وتقعده مع بعض وتتناقشه بصراحة
خير ان شاء الله
والتمس لأخيك سبعين عذرا
تحياتى ليكى
ابسط حقوقك تعرفى ليه
دى عشرة
حبيبتى الغالية
ملكتى الحبيبة
شئ يصعب على القلب ان يصدقه
فى لحظات تنتهى حياة ينتهى عمرا
لا يا غاليتى فالحب الكامن فى قلوبكما
سيمحى اى شئ عكره
ستعود اليكى
وستزول كل الخلافات
لعلها كبوة
وسوف تنقضى باذن الله
smilyrose
روح الحب الصادق
يارب تستفادى من مدونتى دى هاتفيدك جدا
http://noureldens.maktoobblog.com
اجمل شيء الصداقة واصعب احساس هو فقد صديق
وبالنسبة لي حتى مجرد رؤيتي للاصدقاء يفترقوا يؤلمني جدا
حتى لو لم اعرفهم عن قرب
تاثرت اوي بكلماتك
السلام عليكم.......
هى لو كانت صداقه اكيد اكيد مش ها تنتهى كده
لو انتهت بالطريقه دى يبقى طول السنين دى كنتى فاكراها صداقه وهى كانت حاجه تانيه
يارب الامور تتحسن واطيب تحيه
Really beautiful posting!
Congratulations!!!!
لا فائدة من البكاء علي اللبن المسكوب
.
.
قطر الحياة لا ينتظر احدا .. حياتنا لا تتوقف علي احد
تستمر بلا توقف اطلاقا مهما كان
.
.
اري ان المشكلة كانت لديك
انت
انت من تصورتي انكم اصدقاء ..انت تنظرين الي الثماني سنين بشكل مختلف تماما عما تنظر اليهم هي
.
.
انت كنت تعتبرينها المفضلة لديك .. لعل ذلك لعدم وجود غيرها في حياتك مثلا .. اما هي فلم تكن تكن لك نفس المشاعر
.
.
هذا وارد الحدوث .. يجب علينا ان نتعلم منه فقط
ولا يؤثر فينا بالسلب
يجب ان نتعلم ان نستفيد بكل شيء يحدث حوالينا حتي وان بدى انه سيء او كريه او في اذى وحزن
علينا ان نحيلة الي طاقة ايجابية تدفعنا الي الامام
.
.
لست الخاسرة
سوف تخسرين اذا استمرت علاقتكم .. العلاقة غير جدية وليست علي قدر واحد من الطريفين
.
.
اشرئبي بعنقك فوق المحيط لقد كدت ان تغرقي
.
.
تحياتي والسلام
اجمل وابقا واصدق علاقة فى هذه الدنيا
هى الصداقة فانت من يحدد ويعرف ماذا حدث للوصول الى هذا النقطة ولو شعرتى بداخلك انها فعلا متحملة عليكى حاولى مرة واثنين وانهى العلاقة فى الثلاثة
لانها وبكل اسف ماتستهلش كلمة منك
بصراحه صعب اللى تعرضتى له
بس قدر الله وماشاء فعل
وان شاء الله ترجعوا احسن من الاول
او ربنا يعوضك باحسن منها
بس حاولى تعرفى سبب اللى حصل
وعن عمر بن الخطاب رضي الله عنه قال " التمس لصاحبك سبعين عذرا فإن لم تجد فإلتمس العذر في نفسك "
حاولى تعرفى وتصلحى اللى انكسر بينكوا
وربنا يهديها ليكى وترحعوا تانى زى الاول واحسن كمان
تحياتى
غلط انك فى هذا الزمن لسه بتثقى فى اى شخص لهذه الدرجة
الصداقة هى مصلحة مشتركة لكنها قد لا تستمر
حبيبتى يااااااااااااه
صعبه قوى عشرة عمر تنتهى بالساهل كده
حصلت معايا أنا و صاحبة عمرى بسس بسبب ناس ربنا يسامحهم بأه على عملوه و تفريقهم بينى و بينها بس الحمد لله عشان بحبها و بتحبنى رجعنا تانى و ما بعدناش كتير
انتى لازم تشوفى ايه اللى حصل
و على فكرة أنا صديقت كتبت عنها بوست بعنوان ( صاحبة عمرى و حياتى )
ياريت تشوفيه
تحياتى
من لا يقدر المشاعر
لا يستحقها
فقط هكذا
محمد غالية
********
اتمنى والله يا محمد
ربنا يعمل اللى فيه الخير
عاشقة الرومانسية
****************
بصى مقدرتش اسألها لكن سألت والدتها
لانها قريبة منى وباعرف اتكلم معاها
لكن مش عارفين نلاقى السبب
بعدين الطريقة اللى كلمتنى بيها خرستنى مقدرتش اسال على حاجة
بنوتة
*****
اتمنى الموضوع يكون على اد كدة ويخلص قريب
وياريت اقدر اسالها
بس عارفة مسبقا انها مش هترد
دعواتك يا بنوتة
برينسس
******
عندك حق
بس مش هاقدر اسالها انا عارفة نفسى
سمايل روز
*******
اتمنى والله يا حبيبتى
ميرسى ليكى
نور الدين
**********
ميرسى اوى اوى
فكرة من الزمن دة
*************
اسفة على ايلامك
بس هى دى الدنيا
مش كل حاجة حلوة بتكمل
نبيل
*****
يارب يا نبيل
بس هى بجد بجد صداقة
ادم المصرى
*******
صدقنى يا احمد كنا اصدقاء بجد
ومجاش ابدا فى بالى اننا نفترق
بعدين لو انا كنت شايفة ال8 سنين دول بشكل غيرها
زى ما كنت شايفة ال 3 سنين اللى قبلهم بشكل غيرها
يبقى انا اصلا عايشة فى عالم تانى
فى بلونة لونها بمبى
بعدين خبطتين فى الراس توجع
اسماء واحلام فى وجدانى
******************
صدقينى انا فكرت كتير وحاولت ابص للموضوع بحيادية تامة بس لقيت انى مش غلطت فيها
كل الحوار انها عايزة تخرج واختى كانت تعبانة فقلت لها مش هينفع ومن ساعتها مش بتكلمنى ولا بترد عليا
انا خلاص هاستنى بقى الايام يمكن تصلح اللى حصل
مى راغب
******
اشكرك اوى على كلامك وربنا يستجيب منك
Nostor Azzuro
************
الغريبة انى باثق فى كل الناس
برغم كل حاجة بتحصل
لكن مجرد ما احب حد باثق فيه
ماعرفش الحل واصلح الغلط ازاى
شكرا ليك
زينب
****
قريت البوست يا قمر وفرحت لك اوى
اتمنيت اكتب بوست شبه بتاعك
لكن الحمد لله على كل حال
ويارب يديم الصداقة بينك وبين اصحابك
دكتور عمرو
********
اعتقد معاك حق
هى الصداقة كده بيجيى عليها وقت وبيبقى هناك احساس كبير متراكم من اللامبالاة تجاه الاخر
ولكن سرعان ما يزول هذا الاحساس
وربنا يجمعكم من تانى فى خير
ما اقسى هذا الشعور
ولكن لماذا كل هذا؟؟
عموما استنى عليها شوية لما تهدى
وربنا يعملكوا اللى فيه الخير
oops
مناسبة مش مناسبة فى عيد الحب
ولا يهمك اى حاجة الواحد بيتعلم كلة بيعدى وهى اللى خسرانة اكيد
تحياتى
سلام
Post a Comment