كفاية بقى طيبة وسذاجة
الدنيا عمرها ما هتيجى على هواك
بطل تحلم وتقول ممكن
دايما الدنيا هتديك على قفاك
صدقنى الدنيا دى وحشة اوى
وكل ما فيها عذاب وهلاك
مش معنى كلامى انى مكتئبة ولا انى زعلانة
برغم انى عمالة باتكورث* بقالى فترة كبيرة
الحمد لله على كل حال
لكن الغرض من البوست دة انى احاول اغير نفسى
ابطل طيبة وهبل وسذاجة
افوق لنفسى وللناس اللى حواليا
مش كل حد اوصفه بانه طيب
مش كل مشكلة اعيط وماعرفش اواجهها
مش كل اما حد يضايقنى اسكت واكتم فى نفسى لحد ما اتعب
نفسى بجد اتغير
*باتكورث جت من كوارث ...يتكورث
ودة مصطلح جديد هاضيفه لقاموسى العجيب
10 comments:
اصلا يا ماما مش هينفع
.
.
ياعني انت كتلة سذاجة وبراءة وطيبة
وطفولة
معجونين ببعض
.
.
هتبطلي ايه ولا ايه ولا ايه
.
.
.
علي فكرة بقولك الكلام دا علشان اغيظك
ههههههههههه
.
.
سلام يا جميل
اه علي فكرة
.
.
شكلالبلوج حلو والاسم لذيذ
ميرسى يا ادم على تشجيعك الجمييييييييييييييييييل
بس انا هتغير وهتشوف
والحمد لله ان الاسم والشكل عجبوك
اهو دة برضوا تغيير
إيه ده ؟؟
إيه الحركات الجامده دى
خلاص بقينا المصراوية
ماشى يا جميل مبروك على النيو لوك الجامد ده
حلوة باتكورث دى:)))
بس بجد
محتاجين نبطل سذاجه
لكن مش طيبه
لأن مش كل الطيبه سذاجه
السلام عليكم
اول زيارة لكن صدمت بما هو مكتوب
لما كل هذا اليأس
الدنيا حلوة بس لو كانت في طاعة الله
ولا اقصد هنا العبادات وحسب
ولكن اقصد ان يكون كل عمل اعمله لوجه الله
بجانب العبادات اتفسح واطلع رحلات واضحك والعب بس من غير ما انسى الله
هتمون الحياه اكثر من رائعة
صدعتكوا انا اسف
مبروك على النيولوك
أنا متفقة مع بلو ويف
ممكن تبطلي السذاجة بس بلاش الطيبة
عمر ما كانت طبيعتنا عيب العيب في الناس اللى بنتعامل معاهم انا دى مشكلتى انا كمان .. دايما بنفتكر اننا احنا اللى سذاجة والطيبة متمالكين منا ونقول ان ده شئ وحش والعكس هو الصح .. الطيبة اللى فينا واثر الطفولة اللى جوانا عايش شئ مش وحش ده اجمل شئ فينا ... بس الزمن النهاردة متغير لازم نواجه الناس والحياة ... لازم نعيش ونتعايش مع الناس دول ... اصحابنا القريبين نبان بالشكل الحلو نظهر بصورتنا اللى بنحبها اللى موجود جوانا ... اما باقى الناس نحاول اننا منبقاش بصورة مهزوزة ادام الناس ... بمعنى اصح لازم نبقى بوشين ... زى كل حاجة في الحياة ... فيها الجانب الابيض والجانب الاسود ... وانا مقصدش اننا نبقى بوشين اننا نكون منافقين .. انما كل اللى اقصده ان كل واحد ليه معاملة ... واسف انى طولت عليكى بس معلش اصل دي مشكلة كانت مأرقنى الفترة الاخيرة
ميوشة
blue wave
الجامعاوى الاصيل
هبة
الفارس الدهليزى
اشكركم جدا على كل كلامكم
واكيد مش هاغير الطيبة لكن هاتخلى عن السذاجة
اشكركم جداااااااااااااا
مش هتعرفي يا قمر ومش معني كدا اني بحبطك بس الطيب مش سهل يتغير ويبقي شيء تاني لان قلبه مش هيطاوعه
البلوجاية جميلة جداا
وانا حد اعرفك من منتدي ما كدا :)
Post a Comment