تيتا اتوفت انهاردة الساعة تلاتة الفجر
انا اسفة ان كان بقالى كتير مش زرتك بس والله كنت بابقى مشغولة ساعة ما يروحوا لك او باكون نايمة
كمان احنا مش كنا بنيجى كتير عشان انتى عارفة بابا تعبان
صدقينى يا تيتا كنت باحبك يمكن مكنتش قريبة منك اوى لانى مش كنت باقعد معاكى كتير
لكن انتى عارفة لما جيتى عندنا كنت باحبك اوى
البيت كان كله حلو وانتى معانا
مكنتش باتخانق انا واخواتى خالص وكمان اختى مش كانت بتتعب
كمان بابا وماما كانوا مبسوطين اوى
كنتى بركتنا يا تيتا
عارفة يا تيتا لما جدو الله يرحمه مات زعلت اوى لانى كنت باحبه بس اللى صبرنى انك موجودة عشان تجمعينا فى بيتك
دلوقتى مين هيجمعنا
خايفة يا تيتا كل واحد يتشغل باللى عندة وننسى بعض اكتر ما احنا اصلا بعيد عن بعض
ماما لما راحت لك انهاردة قالت ان وشك كان زى البدر
وكنتى بتضحكى وتهزرى
كان نفسى اشوفك يا تيتا وكنت ناوية بكرة اجيلك
بس انتى سبقتينى
تيتا انا باحبك ومش عايزاكى تكونى زعلانة منى عشان مش كنت باجيلك
بس انا كنت باكلمك فى التليفون
عارفة انه مينفعش وانى كنت مقصرة بس سامحينى يا تيتا
تيتا ربنا يرحمك انتى كنتى طيبة اوى ومكنتيش بتزعلى حد خالص
12 comments:
البقاء لله
و اللهم اسكنها بدار خير من دارها و ابدلها بأهل خير من اهلها
اللهم ماجعلها من اهل الجنة مع الصديقين و الابرار
الله ما ءامين
البقاء لله
وربنا يرحمها يارب ويغفر لها ان شاء الله
البقاء لله ربنا يرحمها ويجعل
مثواها الجنة
البقاء لله
ربنا يرحمها ويرحم اموات المسلمين جميعا
ويجمعنا واياهم في جنات النعيم
.. عرفت الموت كشئ مروع لا يخفف من بلواه شئ الا بالايمان ..
البقاء والدوام لله وحده
البقاء لله
يارب تكوني بخير
ربنا يرحمها ويصبركم
البقاء لله
اللهم ارحمها وارزقها فسيح جناتك
وصبر اهلها وذويها
عارفة الكلام اللى كتبتية دا هو اللى ساعات بقولة لنفسى تقريبا يوميا حتى بعد ما تاتا اتوفت من 5 سنين
الحمد لله على قضاء الله
ربنا يصبركوا و الله يرحمها ادعولها و افتكريها دايما عشان متسبكيش ابدا
تشااااااااااااااوووووووووووو
البقاء لله
ربنا يرحمها ويجعل مثواها الجنة
ويصبركم
طمنيني عليكي
اسكنها الله فسيح جناته
عارفة أكتر حاجة هى محتاجاها دلوقتى دعواتك
وبكده فعلا هنكون مبسوطة منك
البقاء لله
اسف اني اجي ظرف زي ده ربنا يجعلها اخر الاحزان سارب ويخليلك والديكي يحموكي ويحافظوا عليكي
بجد هزيتين اوي وانتي بتقولي مين هيحمينا
ربنا يصبرك علي بعادها ويارب الزياره الجايه يكون خبر يسعدك
ربنا يصبرك
لله ما اخذ ولله ما اعطى وكل شئ عنده بمقدار
البقاء لله
لو بتحبيها بجد ادعيلها دايما هى فى امس الحاجة دلؤتى لدعائك
ربنا يرحمها ويغفرلها ذنوبها
Post a Comment