اتولد جوايا شئ
احساس بيحاول يعيش
احساس رغم كل شئ
نفسى انه ميتنسيش
احساس بحب
احساس بقلب
نفسه من زمان يعيش
لكن الحبيب محسنيش
خايفة يقول مبحبكيش
وارجع اعيش من غير امل
والدنيا يسكنها الملل
لكن الامل جوايا دايما له مكان
ان الأوان لازم يكون
ويكون لى قلب حبيب حنون
بحبه يملا عليا الكون
10 comments:
احلى احساس فى الدنيا هو الحب
لكن سيبى الحب هو اللى يجيلك ويدور عليكى
ولو فكرتى يوم انك انتى اللى تدورى على الحب هتوهى
لكن سيبى قلبك يعيش ويتوهه جوا الدنيا وهتلاقى نور من بعيد جاى يدور على قلبك ويحظفه
وهيبقى هو دة الحب اللى هيعيش جوا قلبك طول العمر
حبيبتى دراما كوين
لكل شىء اوان
متجريش ورا الحب ..وهتلاقيه هو الى هيجرى وراكى
واوعاكى والحب من طرف واحد
ربنا يحرسك ويصونك ويحميكى يا حبى
الاجمل ان يكون حب متبادل
اجمل شئ في الدنيا انك تكون سعيد
وكدام بتكون سعيد يبقى اكيد كل شئ هيكون جميل ولطيف
ويا رب كل شئ بتتمنيه يكون مكتوبلك ان شاء الله
حلو البوست
لكن الحب مش بييجى بالأمر
ولا بمزاجنا وترتيبنا
تحياتى
ضى القمر
********
عندك حق يا قمر
الحب هيجى وقت ماهو عايز وعلى غفلة
ميرسى على ردك الجميل
هبهههوب
******
ربنا يخليكى ليا يا حبيبتى
موناليزا
*******
اكيد الاجمل هو الحب المتبادل
ميرسى على مرورك وردك
الفارس الدهليزى
********
ربنا يخليك
ويكتب لك الخير فى كل حاجة
blue wave
*********
اشكرك على ردك
وفعلا الحب مش بيجى بمزاجنا ولا ترتيبنا والا كان كل الناس سعداء
اشكرك على ردك
تحياتى
دراما
.
.
.
صدقيني
اتمني لك من قلبي كل خير
.
.
يارب تكوني سعيدة في كل لحظات حياتك
.
.
تحياتي
والسلام
ادم المصري
إيه الأحاسيس العالية دى
أهنيكى على إحساسك الجميل
ويوم ماتلاقى الحب
الإحساس هيعلى أكتر
وإبقى إفتكرينا بمشاعرك النبيلة
بس أنا برضه رأيي سيبى الحب يجي وبلاش تدورى عليه
اوقات الحب بنستناه ما يجيش
اخاف اقولك متحبيش
لكن ده قدر كل اللى اقدر اقوله
اوعي للحب تأمني
وقال يامأمن للحب الكبير يا مأمن للحمار وسط البرسيم
تحياتي
الحب ده زي الحصبه بتيجي في اي وقت ومن غير ميعاد
Post a Comment