عرفت الحل
انى ماكلمش حد ومعرفش حد
طالما كل كلامى بيتفهم غلط
وكل تصرفاتى بتتفسر غلط
وطالما الناس عايزانا نعاملها غلط
وكل حاجة صح بيخلوها غلط
يبقى مش لازم اكلم حد
طالما اللى باحبه مش بيحبنى
واللى بيحبنى مش باحبه
وذنبنا احنا التلاتة اننا نعرف بعض
ودة بيعذبنا
يعنى عشان نعرف بعض هو دة الغلط
يبقى مش لازم اعرف حد
بس كدة انا هاعمل حاجة غلط عشان اصلح الغلط
لان مش ينفع اعيش من غير ما اكلم حد
ولا اعرف حد
انى ماكلمش حد ومعرفش حد
طالما كل كلامى بيتفهم غلط
وكل تصرفاتى بتتفسر غلط
وطالما الناس عايزانا نعاملها غلط
وكل حاجة صح بيخلوها غلط
يبقى مش لازم اكلم حد
طالما اللى باحبه مش بيحبنى
واللى بيحبنى مش باحبه
وذنبنا احنا التلاتة اننا نعرف بعض
ودة بيعذبنا
يعنى عشان نعرف بعض هو دة الغلط
يبقى مش لازم اعرف حد
بس كدة انا هاعمل حاجة غلط عشان اصلح الغلط
لان مش ينفع اعيش من غير ما اكلم حد
ولا اعرف حد
كدةغلط
يعنى الدنيا كلها غلط
وبنعمل غلط فاكرين انه صح
ولما نعرف انه غلط وعايزين نصلحه
نعمل غلط تانى
واضح ان الدنيا كلها غلط
10 comments:
هى أكيد الحياة مش كده خالص
ومش علشان حالة خاصة أو موقف
نقوم نعمم القضية
إنتى ممكن تكونى محبطة شوية بس أكيد لو قعدتى مع نفسك شوية
هتغيرى نظرتك للحياة
لو الغلط مننا سهل نصلحه
ممكن يكون معاكى حق
أنا كمان من يومين فكرت فى كده
تحياتى لكى
مممم
.
انا قلبي كورة والفراوده اكم
وياما اتشال واتحط وياما اتعكم
واقوله كله هيخلص في الميعاد
يقولي ساعتك ولا ساعة الحكم ؟؟
.
.
.
جبلت الاشياء علي عند
ظاهرها متناقض
باطنها متآلف جدا ، هي دي الدنيا
.
.
ويارب ما يكونش دا اللي كان مزعلك مني انهارده
متتصوريش فرحتي كانت اد ايه لما لقيتك حطاني في اعز الناس بجد كنت طاير من الفرحه
وكمان زعلت اويييي مش منك بس عشانك ليه كده الياس والاحباط ده
دانتي ملكة الاحلام احلمي شويه
حاولي تخلي الصوره احلي بشيء من الخيال
اقولك علي حاجه تعرفك الصح من الغلط
اللي بتعمليه ومش خايفه ان حد يشوفه هو ده الصح ولو عملتي حاجه ومش عايزه حد يعرف عنها حاجه ده الغلط بعينه
واللي بيتولد في الضلمه مش ممكن يشوف النور
بكرر فرحتي ويارب تخرجي من زعلك
فكرتينى بهانى رمزى ف مسرحية وجهة نظر
هو اسمه رمزى بردوا ولا ايه
المهم لما كانوا بيقول
مفيش فايدة مفيش فايدة
جايز انتى متأثرة بحاجة معينة
بس الحياة لونها بمبى والعيشة فل
باجوجو
******
ميرسى على زيارتك لمدونتى
فرحت اوى لما لقيتك بتحب فاروق جويدة
اكيد الدنيا مش كدة وفعلا الكلام كان عن موقف
بس اكيد نظرتى دلوقتى اتغيرت
ميرسى مرة تانية
ادم المصرى
********
مش محتاجة اكرر انى عمرى ما هازعل منك
وانهاردة مكنتش زعلانة منك اصلا
بس انا مش حليت كويس فى الامتحان وكنت متضايقة اوى وباحاول اخبى عشان اللى حواليا مش يتضايقوا
برقش
****
ميرسى ليك وبجد تستاهل تبقى من اعز الناس وحاضر هافرح واحاول احلم
ميرسى تانى على زيارتك
اعتبر نفسك صاحب مدونة تعالى فى اى وقت
بريك
****
ازيك يا بنوتة
واحشانى
اكيد الحياة بمبى
بس هما كانوا شوية زعل وراحوا بعيييييييييد
مالك يا قمرة ايه الى موترك كدا
روقى كدا الحياةابسط من كدا
اسفتى قبلك
الخطأ واللاثم ما حاك ف صدرك وخفت ان يطلع عليه الناس
---
ربنا يحبب فيكى خلقه ويباهى بكى الخلق يوم القيامه يارب
ازيك يا دراما
بجد التوبك ده هايل بجد
ويمكن الحياو مش كده بالضبط
بس احيانا كتير بتشوفها كده
بسبب مشاكلنا
وهمومنا
بس فب الاخر
هو ده الواقع ولازم نعيشه
يا ملكه هانم
وحشتني تعليقاتك
مستنيكي في مدونتي
سلام
هبهههوب حبيبتى
************
ازيك يا قمرة
انا خلاص بقيت تمام وباحاول اتعايش
ميرسى على الدعوة الجميلة
الفارس الدهليزى
*************
ازيك يا فارس
عندك حق الدنيا مش كدة احنا اللى بنشوفها كدة عشان مشاكلنا
برقش
****
برقش باشا
ادينى رحت وعلقت
الى الأمام كتابات جامدة
بس المدونة دة تراجيدى قوى
Post a Comment