اولا
اعتذر لكل الأصقاء اللى سببت لهم ألم من البوست اللى فات
وأشكرهم كتيييييييييييييير اوى على مشاركتهم وكلامهم الجميل
ثانيا
الحمد لله
انا مرتاحة جدا جدا دلوقتى
ليه؟
لأن يوم عيد الحب قضيته مع احب انسانة لقلبى
أية حبيبتى
مستغربين ليه مش عيد الحب دة لكل الناس
خلاص انا باحب صاحبتى
جت لى الكلية وكان يوم جميل اوى اوى
تانى حاجة بقى
انى كبرت دماغى
وحاولت انفذ كل النصايح اللى سمعتها عشان مازعلش نفسى ولا ازعل على حد
وفعلا جارى التنفيذ
والخطوط العريضة للخطة المستخدمة
اولا
أنفض للى ينفض لى
ثانيا
اللى عايزنى يجى لى انا مابروحش لحد
ثالثا
اللى باعك بيعه واشترى بتمنه قرطاس لب
رابعا
الدنيا مبتديش حد اللى هو عايزة
خامسا
متديش حد اكتر من حجمه عشان ميسوقش فيها
وعلى رأى هشام عباس
سيبها هتحبك يا قلبى
حبها تسيبك
هى دى حبيبتك يا قلبى
وهو دة نصيبك
وأخيرا
الحمد لله الحمد لله
على الناس الطيبين الكويسين اللى معايا وربنا يخليهم ليا
2 comments:
طيب الحمد لله أنك بخير دلوقتي
ويارب تكوني كده علطول
عارفة من فترة قريبة مكنتش فادرة أقنع نفسي بالخمس مبادئ اللي قلتي عليهم
كنت حاسة أنهم بيتمتعوا بالقسوة والجفاف وده يتنافى مع طبيعة العلاقات الأنسانية سواء مع الأصدقاء أو الزملاء
وكنت بحرق دمي أوي على حاجات كتير وناس كتير
وبعدين من فترة قريبة جدا قررت أطبق مبادئ مشابه لبتوعك
وفعلا الحياة بقت أجمل ومحتملة أكتر
ولو أني من جوايا حاسة بغصة ومش مقتنعة بالمبادئ دي أوي بس هيا فعلا مريحة
ياله اهي ماشية
ربنا يسعدك يا قمرة ويكتب لك كل خير
والحمد له انك بقيتى احسن
ربنا يبعد عنك كل حزن ويجعل ايامك كلها فرحه وهنا وسعادة
ويكتب لك كل خير يا رب امييييين
سلام مؤقت
Post a Comment