لما تبكى على موت انسان
عادى شئ طبيعى جدا
بيحصل مليون مرة فى حياتك
ولما يكون الانسان دة قريب منك
هتفضل ذكراه فى بالك فترة طويلة
ودة عادى
انما اللى مش عادى
لما اللى يموت دة يبقى انت
ياترى هتعمل ايه؟؟؟
لما تهون عليك نفسك لدرجة انك خلاص مش باقى حاجة تعيش عشانها
اذا كانت اكبر حاجة او اللى كنت فاكرها اكبر واغلى حاجة تضيع لسبب تافه جدا
وبرغم كل حاجة عملتها عشانها برضة تستمر فى رحلة الضياع
يبقى اعتقد ملهاش لزمة العيشة
بس دايما بيفضل ناس ممكن يكونوا عننا بعيد
لكن مكانهم فى القلب اكيد
واكيد عمر ما هتغيرهم ظروف
لانهم لما عرفوك
عرفوك فى زمن البراءة الجميل
الزمن الذى ولى وانتهى
الناس دول هما اصحابى
من ايام ثانوى
ربنا يخليهم كلهم ليا
ويصبرنى على بعدهم عنى
ويخلى لى الناس الطيبين
10 comments:
احساسك بخسارة انسان عزيز احساس سيئ جدا
أنا نفسي مريت بيه قبل كده و ما اتمناش حد يمر بيه
بس للاسف حتى لو خسرتيش شخص عزيز عليكي لأسباب دنيوية فممكن يكون بس الموت ودي بقى حاجة مينفعش فيها هروب
بس احنا حياتنا مش بتقف على أو حاجة معينة صدقيني
مهما كانت غلاوة الشخص وحزنك وألمك لخسارته .. الدايرة هتلف وهتعيشي وتكملي حياتك
عارفة في جملة اتقالت في مسلسل حنان وحنين فيما معناها كده إن
القبور مليانة بناس كنا فاكرين أننا مش هنقدر نعيش بعدهم
الحياة بتستمر فبلاش تتشائمي
وربنا يخلي لك اصحابك وحافظي على اتصالك بيهم حتى لو كانوا بعيد عنك
تحياتي ليكي يا قمر
يمكن تعليقك عندى عرفنى اساس الاحساس اللى انتى حاسه بيه
وصدقينى والله مهما الحياه قسيت عليكى
ومهما اصحابك بعدو عنك وقسيوا عليكى
هتفضلى عايشه فى الدنيا
هتتألمى شويه اه
وممكن كتير
بس هيجى وقت وهتقتنعى ان مش هتخسرى قد ماهما هيخسروكى
هتطلعى بعد كل ده بدرس اتعملتيه وعمرك ماهتنسيه
المهم انك تواجهى جرحك دة وتحاولى تهزميه
وتكملى حياتك لان اكيد هتلاقى ناس تانين كويسين هيقدرو يحبوكى بجد
انا مجربه صدمه انك تتخدعى فى صاحبه من اعز صاحباتك
بس الحياه بتستمر
وممكن هيا بعد فترة تحس بغلطها وترجعلك
انا عن نفسى حصل معايا كدا
بس مكدبش عليكى انا اللى مش قادرة ارجع زى الاول
لان مهما كان اللى بيبيع مرة ممكن يبيع الف مرة
المهم بجد ارمى كل دة ورا ضهرك وفكرى ان ممن يكون بكره احلى
معلش طولت عليكى
انت تموتي ؟
ليه
ليه الكلام الوحش دا
.
.
انت لسه في اجمل ايام عمرك
واوعي تخلي الياس يتملك منك ابدا
.
ياسك وصبرك بين اديك وانت حر
تيأس ما تيأس الحياة راح تمر
انا دقت مندا ودا وعجبي
لقيت الصبر مر واليأس بردة مر
.
.
صحاب ايام البراءة جمال جدا ... لكن صدقيني مش دايمين .. لاننا بنتغير .. وخما كمان بيتغيروا .. واللي عرفتيهم زمان مش موجودين دلوقتي
.
.
لازم تعملي صحاب جداد احتفظي بصحابك القدام .. لكن ما تقفليش قلبك قدام اي حد طالب يدخلة
.
.
تحياتي والسلام
طبعا خسارة انسان بتحبه حتى لو في الحياة مش الموت بس
بتوجع اي قلب
جزاكي الله خير على الموضوع الجميل
جزاكم الله خيرا
يا هبة وضى القمر وادم المصرى وعابد الرحمن
باشكركم على اهتمامكم ومواساتكم
وربنا يعمل اللى فيه الخير
صدقيني الإحساس دا مؤقت هيتوه في وسط زحمة الأحاسيس اللي هاتجيبها السنين اللي جايه .. كوني قويه ولا تستسلمي لليأس أبداً .
تحياتي لك أيها الملكة
ميرسى يا أحمد على تشريفك لمدونتى بالزيارة
واشكرك على ردك
لانك انسانه حساسه اوى كلماتك طالعه من قلبك بجد اسلوبك يجنن ربنا يوفقك وبشكرك على زيارة مدونتى
ما لك يا حبى
ايه الى جارحك اوى كدا...ومسبب لك الالم دا كله
لو فقد عزيز بموت ..القلب بيحزن والعين بتدمع...لكن مبنعترضش على قضاء ربنا..ونبقى متأكدين ان ربنا مش بيعمل لنا حاجه وحشه ابدا
--
لكن لو فقدتى انسان ...كانت فيه ما بينكم ايام حلوة وزكريات... يبقى حاجه من اتنين يا اما حاسه انك اتسببتى ف فقد الانسان دا وحاسه بالذنب من سلوك او تضصرف معين عملتيه
بس بردو متزعليش ممكن تعتذرى وبردو ربنا مقدر لنا كل شىء
لكن لو كان الطرف المفقود هو الى كان حابب يبعد ويبيع ....يبقى ميتزعلش عليه يا حبى
احنا بنحافظ على اهلنا واصحابنا ونعيش معاهم احلى حياة
لكن اول ما اكتشف ان الى قدامى مش فارقه معاة وجودى ف حياته او ان من السهل انه يبيعنى ...يبقى شكرا وميتبكيش عليه كمان
قربى من ربنا اوى وادعيه يصلح لك حالك ويقف جمبك ف محنتك
ودايما قولى الحمد لله على كل شىء ولعل فى ذلك خير
وانا للهة وانا اليه راجعون
اللهم اجرنى فى مصيبتى واخلف لى خيرا منها
--
وانا يا ستى صديقه زى الفل اهه....عندك مانع نكون اصحاب
:-)
اضحكى بقى
وحشتنى كتاباتك الجميله
سلام مؤقت يا حبيبتى
وربنا يخلى لك كل اصحابك
يافندم احنا عايشين عايشين صحيح ممكن نموت لكن لازم نعمل كل حاجة جميلة فى كل لحظة احنا عايشنها وفى حاجة كمان طول ما احنا عايشين لازم نلاقى حاجة جميلة تبقى دافع قوى لحياتنا وصدقينى الحاجات الحلوة مابتخلص واوعى الياس يملكك زى مقال صديقى المصرى ودلوقتى تصبحى على خير
Post a Comment