ساعات احب اعيش
وساعات الدنيا متهمنيش
وساعات الفرحة متسبنيش
وساعات الحزن مينسانيش
ساعات الحب يملانى
وساعات الجرح ينسانى
وساعات الفرح فى حياتى
يبقى معدود بالثوانى
ساعات بأحب اضحك
ساعات هاموت وابكى
وساعات من غير ملامح
لا انا عارفة افرح ولا عارفة اشكى
ساعات باتمنى اكون
انسان ملوش حدود
يروح بخياله بعيد
ويطير لابعد حدود
فى جزيرة هناك بعيد
يكون فيها وحيد
من غير انسان عليل
ولا حتى انسان عنيد
ساعات باحب الون
ساعات باحب اكون
من المكعبات بيوت
وساعات اهد البيت
واصرخ بعلو الصوت
6 comments:
انا كدة يعتبر اول تعليق
بصي الأغنية حلوة بس انا حسيتها ناقصة يعني هتصرخي تقولي ايه
ارجو انك تتقبلي رأيي
- لك كل التحية ودمت بكل الخير
ساعات الحياة مبتسعنيش
ساعات ودانك مبتسمعنيش
ساعات بكون
وساعات بحاول حتى اعيش
جميلة جدا يا دراما
واحشتنى كتير مدونتى وواحشنى كتير كلامك
بس ظروف الدراسة هى بس اللى بتمنعنى من متابعتك
بس بجد مواضيعك الاخيرة جميلة جدا
ربنا يكرمك يا جميل
حلوة جدا على فكرة تحياتى
م/ الحسيني لزومي
دمت بكل الخير
مصطفى ريان
***********
يشرفنى طبعا انك اول رد
ميرسى ان الاغنية عجبتك
بس انا هاصرخ واقول أه لان مفيش كلام راضى يطلع غيرها
اشكرك على تواجدك وردك مرة تانية
الفارس الدهليزى
****************
ازيك يا فارس
وحشتنى انت كمان كتير
ربنا يوفقك فى الدراسة وميرسى على كلامك الجميل
محمد ممدوح
*********
ميرسى كتير
تحياتى
زيارتى الأولى لحضرتك
جميل قوى انك تصرخى وتتحدى الحياة
جميل جدا إنك عايزة تعيشى حياتك
ربنا يسعدك دايما
دمتى بكل الود
تحياتى
how can you write a so cool blog,i am watting your new post in the future!
Post a Comment