احلى حاجة لما تتجمع مع اصحابك وتعملوا حاجات انتوا بتحبوها مع بعض
او تعملوا حاجات لدرجة التهييس والجنان سوا
من يومين كانت حنة صاحبتى كان اخر يوم فى امتحاناتى زى ما بيقولوا خدونى على غفلة
المهم يادوب رجعت البيت غسلت وشى واكلت ساندوتش ونزلت رحت لها
ظبطنا الاغانى وعلينا صوتها اوى
ولما باقى اصحابنا جم
ابتدينا نغنى ونرقص ونسقف وعملت حاجات عمرى ما كنت عملتها
خلصنا يوم الحنة يادوب روحت البيت نمت
وصحيت تانى يوم شوية ورحنا لها عند الكوافير كانت سبقتنا مع اتنين اصحابنا
فضلنا هناك حوالى اربع ساعات
طبعا خارجين من هناك قمرات
الغريب بقى انى اعرف ان العريس بيروح يجيب العروسة من الكوافير
لا احنا غيرنا النظام
احنا اللى زفناها من عند الكوافير روحنا البيت عندها فى عربية صاحبتنا
وحصلت المعجزة وانا فى العربية
زغرطت
لأول مرة فى حياتى
تقريبا طلعت باعرف ازغرط
هى زغروطة مكسوفة وقصيرة بس يمكن عشان اول مرة
وكمان بازغرط فى الهيصة لما يكون حد بيزغرط انما لوحدى
لا يونكن ابدا
رجعنا بيتها وقعدنا شوية مع المعازيم قرايبها
وبعدين العريس وصل
لولولولولولولولوولوولوولولولولولولولولولولولولولولولى
نزلنا ركبنا العربيات ورحنا القاعة اللى فيها كتب الكتاب
ومن ثم تم عقد القران
وقد كانت العروسة فى ابهى صورها
وقد كنا حولها كالأميرات
بس خلاص سلمناها لعريسها وروحنا بيتنا
ربنا يسعدها يارب ويوفقها فى حياتها
14 comments:
إن شاء الله ربنا يسعدها ويوفقها.. أمين يا رب
وعقبالى أنا وإنتى كده لما نبقى عرايس حلويين
قولى أمين
مبروك لصاحبتك وعقبالك ...... تصدقى انى نفسى واحدة من صحابى الانتيخ تتجوز عشان اعيش انا كمان اليومين دول؟؟ اكيد حاجة ظريفة يعنى
dramaqueen
احب اولا اقولك انك مدونتك جميله جدا
واتمنى انك تقبلينى زائر عندك
واول حاجه مبروك نهاية امتحاناتك اتمنى من الله ان تتفوقى وتكونى من اوائل الدفعه
وانا شايف من كلامك فى البوست انك شخصيه مرحه وجميله ويارب دايما ايامك تكون سعيد وعقبالك لما تكونى انتى العروسه وكمان كل اصحابك
اسف على الإطاله
وتقبلى مرورى
وخالص تحياتى
وجزاك الله خيرا
يارب يسعدها ويوفقها
ويجعلها الزوجة الصالحة لزوج صالح
ويرزقها بالذرية الصالحة يارب
وعقبالك وعقبال وعقبال كل البنات يارب
سارة
الف الف مبروووك
وعقبالك يا قمر
hi!
i love your blogg
is really really nice!!!!
ربنا يسعدها ويوفقها
وعقبال ما نفرح فيكى كدا:))
السلام عليكم
ازيك يا قمر
الف مبروك ليها وعقبالنا جميعااااااااااا
قولي امين
وربنا يسعدها ويوفقها في حياتها
تحياتي ليكي
الف مبروك لصاحبتك
ويارب تبقى كل ايامها سعادة وفرح
وتبقى كل ايامك زكريات جميله مع كل اللى بتحبيهم
وعقبال فرحك يا قمر
عقبال ما نزغرطلك يوم فرحك
ميوشة
انجى
قلب انسان
سارة جبالى
ادم المصرى
اوليفيا
blue wind
برقش
ضى القمر
مارك توين
اشكركم كلكم كتييييييييير اوى
عقبال كل واحد وواحدة اما يفرحوا كدة
وعقبااااااااالى
الف مبروك لصاحبتك
ومبروك على اكتشافك لمواهبك المدفونه
هههههههه
عقبالك يا قمرتى
واكون معاكى يارب
انا بس عايزة اعرف حاجه هى العروسه بعد كتب الكتاب الى ف القاعه روحت العروسه هى والعريس وخلاص ومكنش فيه هيصه و واغانى ولا هما عملوة اسلامى علشان محدش ينطلق ويطلع من شعورة ولا ايه؟؟؟
----
عقبالك يا حبى وعقبال كل البنات يارب
ومبروك عليكى الاجازة ويارب تكونى حليتى كويس ف الامتحانات
مبروووووووووووك وعقبالك يا رب
هبهههوب حبيبتى
***********
ازيك يا قمرى
عقبالك يارب
هو كتب الكتاب كان فى قاعة وبعدها
روحوا البيت
funckydoctor
*************
ميرسى عقبالك
Post a Comment